ബെംഗളൂരു: പ്രവാസി വേള്‍ഡ് മലയാളി കൗണ്‍സില്‍ സംഘടിപ്പിച്ച എഴുത്തുപുര നാലാംഘട്ട കഥ – കവിത രചന മത്സര വിജയികള്‍ക്കുള്ള സമ്മാനദാനം തൃശൂരിലെ കേരള സാഹിത്യ അക്കാദമി വൈലോപ്പിള്ളി ഹാളില്‍ നടന്നു. മോഹന്‍ പാലക്കാട് അധ്യക്ഷത വഹിച്ചു. അഡ്വ. മിനി സുകുമാരന്‍, വിമന്‍സ് ഫോറം പ്രസിഡന്റ് രാജശ്രീ മേനോന്‍ ഗോപിനാഥ് എന്നിവര്‍ സംസാരിച്ചു.
കഥാവിഭാഗത്തില്‍ സജിത്ത് ലാല്‍ നന്ദനം ഒന്നാം സ്ഥാനവും ബാലു പുതുപ്പാടി രണ്ടാം സ്ഥാനവും ശിവന്‍ മേതല മൂന്നാം സ്ഥാനവും കരസ്ഥമാക്കി. കവിതാവിഭാഗത്തില്‍ രാജേശ്വരി പുതുശ്ശേരി ഒന്നാം സ്ഥാനവും സിന്ധു ഗാഥ ബാംഗ്ലൂര്‍ രണ്ടാം സ്ഥാനവും സജിത്ത് ലാല്‍ നന്ദനം മൂന്നാം സ്ഥാനവും കരസ്ഥമാക്കി. കൗണ്‍സില്‍ കേരള റീജിയണല്‍ പ്രസിഡന്റ് ഡോ. ഋഷി പല്‍പ്പു, നിഗാര്‍ ബീഗം, അഡ്വ. റഷീദ് ഊത്തക്കാടന്‍, സ്മിത സി എന്നിവരെ ചടങ്ങില്‍ ആദരിച്ചു.
<br>
TAGS : ART AND CULTURE
