സ്കൂൾ കെട്ടിടത്തിൽ നിന്ന് വീണ് പിയു വിദ്യാർഥി മരിച്ചു

ബെംഗളൂരു: സ്കൂൾ കെട്ടിടത്തിൽ നിന്ന് താഴേക്ക് വീണ് വിദ്യാർഥി മരിച്ചു. അഫ്രീൻ ജമാദാർ (17) ആണ് മരിച്ചത്. ബെളഗാവി ഹിരേകോടി ഗ്രാമത്തിലെ റസിഡൻഷ്യൽ സ്‌കൂളിലാണ് സംഭവം. കെട്ടിടത്തിൻ്റെ ഒന്നാം നിലയിൽ അഫ്രീൻ അബദ്ധത്തിൽ താഴേക്ക് വീഴുകയായിരുന്നു.

ഗോകക്ക് താലൂക്കിലെ ഷിന്ദി കുറുബെട്ട് സ്വദേശിയാണ് അഫ്രീൻ. സ്കൂൾ ഹോസ്റ്റലിൽ തന്നെയായിരുന്നു താമസം. ചൊവ്വാഴ്ച പരീക്ഷയുള്ളതിനാൽ, പഠിക്കാനായാണ് അഫ്രീൻ കെട്ടിടത്തിന്റെ ഒന്നാം നിലയിലേക്ക് പോയതെന്ന് സഹപാഠികൾ പറഞ്ഞു. ചിക്കോടി പോലീസ് സംഭവസ്ഥലം സന്ദർശിച്ച് കേസെടുത്തു.

TAGS: KARNATAKA | DEATH
SUMMARY: PU student dies after fall from residential school building