കനത്ത മഴ; സൗത്ത് ബെംഗളൂരുവിൽ നൂറോളം വീടുകളിൽ വെള്ളം കയറി

ബെംഗളൂരു: കനത്ത മഴയിൽ സൗത്ത് ബെംഗളൂരുവിൽ നൂറോളം വീടുകളിൽ വെള്ളം കയറി. ബുധനാഴ്ച വൈകീട്ട് പെയ്ത മഴയിൽ യെലച്ചനഹള്ളിയിലെ രാമകൃഷ്ണ നഗർ, ഫയാസാബാദ് എന്നിവിടങ്ങളിലെ നൂറോളം വീടുകളിൽ പകുതിയോളം വെള്ളം കയറി.

#KarnatakaRains #BengaluruRains #Bengaluru

As rain continues on Wednesday, flooding reported in many streets of the city. Situation at BTM Layout 2nd stage. pic.twitter.com/GBruXteB4S

— Express Bengaluru (@IEBengaluru) October 23, 2024

ഓടകളിൽ നിന്നുള്ള അഴുക്കുവെള്ളം നിറഞ്ഞൊഴുകുകയും ഇവ വീടുകളിലേക്ക് കയറുകയുമായിരുന്നു. ബുധനാഴ്ച്ച വൈകിട്ട് 4 മണിയോടെ, ബെംഗളൂരു സൗത്ത് പ്രദേശങ്ങളിൽ കനത്ത മഴയാണ് ലഭിച്ചത്. ഇതോടെ റോഡുകളിൽ വെള്ളക്കെട്ടുകൾ രൂപപ്പെടുകയും, ഗതാഗതക്കുരുക്ക് അനുഭവപ്പെടുകയും ചെയ്തു. ഉപമുഖ്യമന്ത്രിയും ബെംഗളൂരു വികസന മന്ത്രിയുമായ ഡി.കെ. ശിവകുമാർ എംഎൽഎ ബൈരതി ബസവരാജിനൊപ്പം ദുരിതബാധിത സ്ഥലങ്ങൾ സന്ദർശിച്ചു.

#Bengaluru: A severe traffic jam has brought the movement to a standstill on the Electronic City flyover for more than two hours.

Heavy waterlogging at key locations such as Silk Board, #Bommanahalli, and BTM Layout 2nd Stage following the evening rains has contributed to the… pic.twitter.com/rj4RXyzLuP

— South First (@TheSouthfirst) October 23, 2024

ബിടിഎം ലേഔട്ടിൽ 35.50 മില്ലിമീറ്റർ മഴയും, ദൊരെസാനിപാളയയിൽ 34.50 മില്ലിമീറ്ററും, പുലകേശിനഗറിൽ 30 മില്ലിമീറ്ററും, ബൊമ്മനഹള്ളിയിൽ 30.50 മില്ലീമീറ്ററും, അരേകെരെയിൽ 24.50 മില്ലിമീറ്ററുമാണ് ബുധനാഴ്ച റിപ്പോർട്ട്‌ ചെയ്തതെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.

TAGS: BENGALURU | RAIN
SUMMARY: 100 homes flooded in Bengaluru South following heavy rains on Wednesday evening