ബെംഗളൂരു: ഫെബ്രുവരിയില് നടക്കുന്ന മലബാര് മുസ്ലിം അസോസിയേഷന് 90-ാം വാര്ഷിക ആഘോഷത്തിന്റെ സ്വാഗതസംഘം ചെയര്മാനായി എന്.എ. ഹാരിസ് എം.എല്.എയെയും ജനറല് കണ്വീനറായി ജനറല് സെക്രട്ടറി ടി.സി. സിറാജിനെയും എം. എം.എ പ്രവര്ത്തക സമിതിയോഗം തിരഞ്ഞെടുത്തതായി പ്രസിഡണ്ട് ഡോ. എന്.എ. മുഹമ്മദ് അറിയിച്ചു. വിപുലമായ സ്വാഗതസംഘം വിളിച്ച് ചേര്ത്ത് മറ്റു ഭാരവാഹികളെ തിരഞ്ഞെടുക്കുമെന്നും 90-ാം വാര്ഷികത്തിന് പ്രത്യേകം രൂപകല്പന ചെയ്ത ലോഗോ പ്രകാശനം ചെയ്യുമെന്നും അദ്ദേഹം പറഞ്ഞു.
ഫെബ്രുവരി 15,16 തീയ്യതികളിലായി നടക്കുന്ന സമ്മേളനത്തിന് മുന്നോടിയായി മെസിക്കല് ക്യാമ്പ്, കണ്ണ് രോഗ നിവാരണ ക്യാമ്പ്, തിമിര ശസ്ത്രക്രിയ, ദന്തല് ക്യാമ്പ് , മലയാളി അസോസിയേഷന് സംഗമം, കുടുംബ സംഗമം, പൂര്വ്വ വിദ്യാര്ഥി സംഗമം തുടങ്ങിയവയും നടക്കും.
നിര്ധന വിഭാഗങ്ങള്ക്കായി തൊണ്ണൂറാം വാര്ഷികത്തില് ഹൃസ്വകാലം കൊണ്ട് പൂര്ത്തികരിച്ച് നല്കുന്ന ഒന്പതിനകര്മ്മ പദ്ധതികള് പ്രഖ്യാപിക്കും. മത, രാഷ്ട്രീയ, സാമൂഹിക രംഗത്തെ പ്രമുഖ വ്യക്തികള് സമ്മേളനത്തില് പങ്കെടുക്കും. പ്രവര്ത്തക സമിതി യോഗത്തില് അഡ്വ. പി. ഉസ്മാന്, അഡ്വ. ശക്കീല് അബ്ദുറഹ്മാന്, കെ.സി. അബ്ദുല് ഖാദര്, ശംസുദ്ധീന് കൂടാളി, കെ.എച്ച് ഫാറൂഖ്, ടി.പി. മുനീറുദ്ധീന്, ശഹീര് സി.എച്ച്, കെ. മൊയ്തീന്, എം.സി.ഹനീഫ്, വി.സി. കരീം, പി.എം. മുഹമ്മദ് മൗലവി തുടങ്ങിയവര് പങ്കെടുത്തു.
<BR>
TAGS : MALABAR MUSLIM ASSOCIATION
WhatsApp
Telegram
