മലപ്പുറം: പെരിന്തല്മണ്ണയില് കെഎസ്ആര്ടിസി ബസും ലോറിയും കൂട്ടിയിടിച്ച് ബസ് യാത്രക്കാരിയായ യുവതി മരിച്ചു. മണ്ണാർക്കാട് കോട്ടോപ്പാടം മേലെ അരിയൂർ ചെറുവള്ളൂർ വാരിയം ഹരിദാസ് വാരിയരുടെ മകള് ശ്രീനന്ദ (21)ആണ് മരിച്ചത്. അപകടത്തില് പത്തു പേര്ക്ക് പരുക്കേറ്റു. രണ്ടു പേരുടെ നില ഗുരുതരമാണ്. ഇന്ന് വൈകിട്ട് അഞ്ചരയോടെ പെരിന്തല്മണ്ണ തിരൂര്ക്കാട് വെച്ചാണ് അപകടമുണ്ടായത്.
ബസിലുണ്ടായിരുന്ന യാത്രക്കാര്ക്കാണ് പരുക്കേറ്റത്. മണ്ണാർക്കാട് യുണിവേഴ്സല് കോളേജിലെ ബിസിഎ അവസാന വർഷ വിദ്യാർഥിനിയാണ് ശ്രീനന്ദ. പ്രൊജക്ട് ആവശ്യാർഥം കോഴിക്കോടുപോയി തിരിച്ചുവരുന്നതിനിടെയാണ് അപകടമുണ്ടായത്. കോഴിക്കോട് നിന്ന് പാലക്കാട്ടേക്ക് പോവുകയായിരുന്ന കെഎസ്ആര്ടിസി ബസും എതിരെ വരുകയായിരുന്ന ലോറിയും കൂട്ടിയിടിച്ചാണ് അപകടം. ഇടിയുടെ ആഘാതത്തില് ബസിന്റെ ഒരു വശം പൂര്ണമായും തകര്ന്നു. ലോറി റോഡരികിലേക്ക് മറിയുകയും ചെയ്തു.
TAGS : ACCIDENT
SUMMARY : KSRTC bus and lorry collide in Malappuram; woman dies
WhatsApp
Telegram
