ബെംഗളൂരു: ബെംഗളൂരു വിമാനത്താവളത്തിൽ നിന്ന് വിയറ്റ്നാമിലെ ഹോ ചി മിൻ നഗരത്തിലേക്കു നേരിട്ടുള്ള വിമാന സർവീസുമായി വിയറ്റ് ജെറ്റ് എയർ. വിയറ്റ്നാമിലേക്കുള്ള വിനോദസഞ്ചാരികളുടെ എണ്ണം വർധിച്ച സാഹചര്യത്തിലാണ് നടപടി.
ആഴ്ചയിൽ 4 ദിവസമാണ് വിമാന സർവീസുള്ളത്. തിങ്കൾ, ബുധൻ, വെള്ളി, ഞായർ ദിവസങ്ങളിലാണിത്. 4.45 മണിക്കൂറാണ് ശരാശരി യാത്രാസമയം. ബെംഗളൂരുവിൽ നിന്നു രാത്രി 11.30ന് പുറപ്പെടുന്ന വിമാനം പിറ്റേന്ന് പുലർച്ചെ 5.55ന് ഹോ ചി മിൻഹിലെത്തും. ഹോ ചി മിൻഹിൽ നിന്നു രാത്രി 7.10ന് പുറപ്പെടുന്ന ട്രെയിൻ രാത്രി 10.30ന് ബെംഗളൂരുവിലെത്തും.
ഓസ്ട്രേലിയ, ബാലി, ക്വാലാലംപുർ, സിങ്കപ്പൂർ എന്നിവിടങ്ങളിലേക്കു ചെലവ് കുറഞ്ഞ യാത്രയും ഹോ ചി മിൻഹിൽ നിന്നു സാധ്യമാണ്. വിയറ്റ്നാമിലെ ഏറ്റവും ജനസംഖ്യയുടെ നഗരമാണ് ഹോ ചി മിൻഹ്. രാജ്യത്തിന്റെ സാമ്പത്തിക തലസ്ഥാനമായ നഗരത്തിൽ ഒട്ടേറെ ചരിത്ര സ്മാരകങ്ങളും സ്ഥിതി ചെയ്യുന്നു.
SUMMARY: Four flights from Bengaluru to Vietnam’s Ho Chi Minh city.
