ബെംഗളൂരു: നഗരത്തിൽ അടുത്ത 5 ദിവസം കൂടി മഴ തുടരാൻ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് നഗര വ്യാപകമായി മഴ പെയ്യും. 27 ഡിഗ്രി സെൽഷ്യസാണ് ശരാശരി താപനില. 30 വരെ സമാനമായ കാലാവസ്ഥ തുടരും.
എന്നാൽ 31ന് ശക്തമായ മഴയ്ക്കു സാധ്യതയുണ്ട്. താപനില 29 ഡിഗ്രി സെൽഷ്യസായി ഉയരും. ഓഗസ്റ്റ് ഒന്നോടെ മഴയ്ക്കു ശമനമുണ്ടായേക്കുമെന്നും കാലാവസ്ഥ മുന്നറിയിപ്പുണ്ട്.
അതിനിടെ സംസ്ഥാന വ്യാപകമായി കനത്ത മഴ തുടരുകയാണ്. ഉത്തരകന്നഡയിലെ കുംടയിൽ ദേശീയ പാതയിലെ ദേവിമാനെ ചുരത്തിൽ മണ്ണിടിച്ചിലുണ്ടായി. പുതുതായി നിർമിച്ച കോൺക്രീറ്റ് റോഡ് തകർന്നു. കനത്ത മഴ തുടരുന്ന മേഖലയിൽ കൂടുതൽ മണ്ണിടിച്ചിലുകൾ ഉണ്ടായേക്കാമെന്ന ആശങ്കയിലാണ് പ്രദേശവാസികൾ.
SUMMARY: Consistent rainfall persists in Bengaluru until July 31.
