ബെംഗളുരു: കനത്ത മഴയില്‍ മണ്ണിടിഞ്ഞതിനെ തുടർന്ന് ബെംഗളൂരു-മംഗളൂരു പാതയിൽ ട്രെയിൻ സർവീസുകൾ തടസപ്പെട്ടു. സകലേശപുര യ്ക്ക് സമീപം യേഡകുമാരിയിൽ റെയിൽപാളത്തില്‍ ശനിയാഴ്ച വൈകിട്ട് 4.30 ഓടെയാണ് മണ്ണിടിഞ്ഞത്. ശ്രീവാഗിലു–യെഡകുമാരി, യെഡകുമാരി–കഡഗരവള്ളി, കടഗരവള്ളി–ഡോണിഗൽ സെക്ഷനുകൾക്കിടയിലും മണ്ണിടിച്ചിൽ ഉണ്ടായി. മംഗളൂരു-ഹസ്സൻ സെക്ഷനിലെ എല്ലാ ട്രെയിൻ സർവീസുകളും ഇതേ തുടര്‍ന്നു തടസ്സപ്പെട്ടു.
പാളത്തിൽ നിന്ന് മണ്ണുനീക്കുന്നത് രാത്രിയും പുരോഗമിക്കുകയാണെന്ന് റെയിൽവേ അറിയിച്ചു. മംഗളുരു വഴിയുള്ള കണ്ണൂർ-കെഎസ്ആർ ബെംഗളൂരു എക്സ്പ്രസ് (16512), പാലക്കാട്, സേലം വഴി തിരിച്ചുവിട്ടു. മുരുഡേശ്വർ-എസ്എംവിടി ബെംഗളുരു, മംഗളൂരു സെൻട്രൽ-വിജയാപുര സ്പെഷൽ എക്സ്പ്രസ് ട്രെയിനുകളും വഴിതിരിച്ചുവിട്ടു.
SUMMARY: Landslide Train service was disrupted on the Bengaluru-Mangalore route
WhatsApp
Telegram
