തിരുവനന്തപുരം: അമ്പൂരിയില് കൂണ് കഴിച്ച ആറ് പേർ ആശുപത്രിയില്. കുമ്പച്ചല്ക്കടവ് സ്വദേശി മോഹനൻ കാണിയും കുടുംബാംഗങ്ങളെയും ആണ് കാരക്കോണം മെഡിക്കല് കോളജ് ആശുപത്രിയില് പ്രവേശിപ്പിച്ചത്. ഇവർ രാവിലെ വനത്തില് നിന്ന് ശേഖരിച്ച കൂണ് പാചകം ചെയ്ത് കഴിച്ചതിന് ശേഷം ശാരീരിക അസ്വസ്ഥതകള് അനുഭവപ്പെട്ടതിനെ തുടർന്ന് ആശുപത്രിയില് പ്രവേശിപ്പിക്കുക ആയിരുന്നു.
മോഹനൻ കാണിയുടെ ചെറുമക്കളായ അഭിഷേക് (11) അനശ്വര (14) എന്നിവരുടെ നില ഗുരുതരമാണെന്ന് അധികൃതർ വ്യക്തമാക്കി. മോഹനല്കാണിയുടെ ഭാര്യ സാവിത്രി, മകൻ അരുണ്, മരുമകള് സുമ എന്നിവരെയാണ് ആശുപത്രിയില് പ്രവേശിപ്പിച്ചത്.
ആശുപത്രിയില് എത്തിക്കുമ്പോഴേക്കും സുമ ഒഴികെയുള്ള എല്ലാവരും അബോധാവസ്ഥയിലായിരുന്നു എന്നാണ് പോലീസില് നിന്ന് ലഭിക്കുന്ന വിവരം. ആറുപേരും നിലവില് തീവ്രപരിചരണ വിഭാഗത്തില് ചികിത്സയിലാണ്.
SUMMARY: Six people hospitalized after eating mushrooms; 2 in critical condition
