കണ്ണൂര്: കണ്ണൂര് സെന്ട്രല് ജയിലില് ആത്മഹത്യ. കണ്ണൂര് സെന്ട്രല് ജയിലില് റിമാന്ഡില് കഴിയുന്ന പ്രതി ജീവനൊടുക്കി. വയനാട് കേണിച്ചിറ സ്വദേശി ജില്സണ് ആണ് മരിച്ചത്. അഞ്ച് മാസമായി കണ്ണൂര് സെന്ട്രല് ജയിലില് റിമാന്ഡ് പ്രതിയായിരുന്നു ജിന്സണ്.
കഴുത്തിൽ പരിക്കേറ്റ് ചോര വാർന്ന നിലയിൽ കണ്ടെത്തിയ ജിൽസണെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. രാവിലെ ആശുപത്രിയിലേക്ക് കൊണ്ടുപോകുന്ന സമയത്ത് ജീവനുണ്ടായിരുന്നു എന്നാണ് അധികൃതർ നൽകിയ വിവരം.
കഴിഞ്ഞ ഏപ്രില് 14നാണ് ഭാര്യയെ കൊലപ്പെടുത്തിയ കേസില് ജിന്സണ് പ്രതിയാകുന്നത്. ഭാര്യയെ കൊലപ്പെടുത്തിയ ശേഷം ആത്മഹത്യയ്ക്ക് ശ്രമിക്കുകയായിരുന്നു. തൂങ്ങിമരിക്കാന് ശ്രമിക്കവെ കയറുപൊട്ടി വീഴുകയായിരുന്നു. തുടര്ന്ന് നാട്ടുകാര് ആശുപത്രിയില് എത്തിക്കുകയായിരുന്നു. ഇയാള് മുന്പും ആത്മഹത്യാശ്രമം നടത്തിയിരുന്നുവെന്നാണ് ജയില് അധികൃതര് പറയുന്നത്. കൗണ്സിലിങ് അടക്കം നല്കിയിരുന്നവെന്നും അധികൃതര് പറഞ്ഞു.
SUMMARY: Remanded suspect commits suicide in Kannur Central Jail
