ബെംഗളൂരു: നെലമംഗലയ്ക്കടുത്തുള്ള തോട്ടഗരെ ക്രോസിൽ റോഡപകടത്തിൽ ഒരു കുടുംബത്തിലെ രണ്ട് പേർ മരിച്ചു. നാല് പേർക്ക് പരുക്കേറ്റു. സോഫ്റ്റ്‌വെയർ എഞ്ചിനീയറും ദാസറഹള്ളി സ്വദേശിയുമായ ഹരീഷ് (39), പിതാവ് വീരഭദ്ര (80) എന്നിവരാണ് മരിച്ചത്. ക്രിസ്മസ് അവധിയായതിനാല്‍ ജന്മനാടായ ഗൗരിബിദനൂരിലേക്ക് പോയി ബെംഗളൂരുവിലേക്ക് മടങ്ങുന്നതിനിടെ വെള്ളിയാഴ്ച രാത്രി 7.30 ഓടെയാണ് അപകടം നടന്നത്.
തോട്ടഗരെ ക്രോസില്‍ വളവിന് സമീപം ട്രക്കിനെ മറികടക്കാൻ ശ്രമിക്കുന്നതിനിടെ എതിർദിശയിൽ നിന്ന് വന്ന മറ്റൊരു ട്രക്കുമായി കൂട്ടിയിടിക്കുന്നത് ഒഴിവാക്കാൻ വാഹനം വെട്ടിച്ചപ്പോള്‍ നിയന്ത്രണം വിട്ടു റോഡരികിലെ ഒരു മരത്തിൽ ഇടിച്ചാണ് അപകടം സംഭവിച്ചത്.ഗുരുതര പരുക്കേറ്റ ഹരീഷിനും വീരഭദ്രനും സംഭവസ്ഥലത്ത് തന്നെ മരിച്ചു. കാറിലുണ്ടായിരുന്ന മറ്റ് നാല് പേരെ വഴിയാത്രക്കാരും പോലീസും ചേർന്ന് നെലമംഗലയിലെ സ്വകാര്യ ആശുപത്രിയിൽ പ്രവേശിപ്പിച്ചു. മദനായകനഹള്ളി പോലീസ് കേസെടുത്തു.
SUMMARY: Road accident in Nelamangala; Techie and father killed, four injured
