തിരുവനന്തപുരം: തലസ്ഥാന നഗരിയില് രണ്ടിടങ്ങളിലായി നടന്ന വൻ കഞ്ചാവ് വേട്ടയില് 50 കിലോയോളം കിലോ കഞ്ചാവ് പോലീസ് പിടിച്ചെടുത്തു. വിഴിഞ്ഞം, പരുത്തിക്കുഴി എന്നിവിടങ്ങളില് നടന്ന പരിശോധനകളില് നാല് പേരെ പോലീസ് അറസ്റ്റ് ചെയ്തു. കഞ്ചാവ് കടത്താൻ ഉപയോഗിച്ച രണ്ട് കാറുകളും പോലീസ് കസ്റ്റഡിയിലെടുത്തിട്ടുണ്ട്.
രഹസ്യവിവരത്തിന്റെ അടിസ്ഥാനത്തില് സിറ്റി ഡാൻസാഫ് സംഘം നടത്തിയ വാഹന പരിശോധനയ്ക്കിടയിലാണ് വിഴിഞ്ഞത്ത് വെച്ച് നാലര കിലോ കഞ്ചാവ് പിടികൂടിയത്. സംഭവത്തില് തമിഴ്നാട് സ്വദേശിയായ മുജീബ്, ഭീമാപള്ളി സ്വദേശിയായ ബിജു എന്നിവരെ പോലീസ് പിടികൂടി. തമിഴ്നാട്ടില് നിന്നാണ് ഈ കഞ്ചാവ് എത്തിച്ചതെന്ന് പോലീസ് അറിയിച്ചു.
വിഴിഞ്ഞത്തെ പരിശോധനയ്ക്ക് തൊട്ടുപിന്നാലെയാണ് പരുത്തിക്കുഴിയില് നിന്ന് വൻ കഞ്ചാവ് ശേഖരം പിടികൂടിയത്. ഇവിടെ നിന്നും 40 കിലോ കഞ്ചാവുമായി രണ്ട് തിരുവനന്തപുരം സ്വദേശികള് പിടിയിലായി. പ്രത്യുഷ്, അസറുദ്ദീൻ എന്നിവരാണ് അറസ്റ്റിലായവർ. 20 കവറുകളിലായി സൂക്ഷിച്ച നിലയിലായിരുന്നു കഞ്ചാവ് കണ്ടെടുത്തത്.
SUMMARY: Around 50 kg of ganja seized during vehicle inspection in Thiruvananthapuram; four arrested
