ബെംഗളൂരു : മലബാർ മുസ്ലിം അസോസിയേഷൻ്റെ 90ാം വാർഷിക ആഘോഷത്തിൻ്റെ ഭാഗമായി നടത്തിയ എംഎംഎ സൂപ്പർ കപ്പ് ഫുട്ബോൾ ടൂർണ്ണമെൻ്റിൽ ആവേശപ്പോരാട്ടത്തിൽ ബാംഗ്ലൂരിലെ പുത്തൂർകാർക്ക് എതിരെ ഒന്നിനെതിരെ രണ്ട് ഗോളിന് ഫ്രണ്ട്സ് യുനൈറ്റഡ് എഫ് സി ജേതാക്കളായി.
കാൽപന്തുകളിയുടെ വിവിധ ഭാവങ്ങളെ കാണികൾക്കായി സമർപ്പിച്ച വീറും വാശിയും നിറഞ്ഞ മൽസരത്തിൽ പതിനാറ് ടീമുകളാണ് മാറ്റുരച്ചത്. അന്തിമ പോരാട്ടത്തിൽ ഫ്രണ്ട്സ് യുണൈറ്റഡ് എഫ് സി. വിന്നറിൻ്റെയും ബാംഗ്ലൂരിലെ പുത്തൂർകാർ റണ്ണറപ്പിൻ്റെയും ട്രോഫിയും സമ്മാന തുകയും സ്വന്തമാക്കി.
വിന്നറിന് അറുപത്തി ഒന്നായിരം രൂപയും റണ്ണറപ്പിന് മുപ്പത്തി ഒന്നായിരം രൂപയുമാണ് സമ്മാനതുക. സെമി ഫൈനൽ മൽസരത്തിൽ ഗൗരിപ്പാളയം ചാലഞ്ചേഴ്സിനെതിരെ എതില്ലാത്ത മൂന്ന് ഗോൾ നേടി ഫ്രണ്ട്സ് യുണൈറ്റഡ് എഫ് സിയും ഈസൻ എഫ് സി ബ്രിഗേഡ് റോഡിന് എതിരെ ട്രൈബേക്കറിൽ കൂടിയാണ് ബാംഗ്ലൂരിലെ പുത്തൂർകാരും ഫൈനലിൽ എത്തിയത്. കളിക്കളത്തെ ആവേശഭരിതമാക്കിയ മറ്റ് ടീമുകളെ അനുമോദിക്കുകയും ചെയ്തു. ഉച്ചക്ക് 2 മണിക്ക് ആരംഭിച്ച മൽസരം രാത്രി 2 മണിക്കാണ് അവസാനിച്ചത്. പ്രസിഡണ്ട് ഡോ.എൻ.എ മുഹമ്മദ് ഉദ്ഘാടനം നിർവ്വഹിച്ച ചടങ്ങിൽ നാഷണൽ ഫുട്ബോൾ അസോസിയേഷൻ വൈസ് പ്രസിഡണ്ട് എൻ.എ. ഹാരിസ് എം. എൽ.എ, അഡ്വ. സത്യൻ പുത്തൂർ, റജികുമാർ, സഞ്ചയ് അലക്സ്, അഡ്വക്കറ്റ് പ്രമോദ് വര പ്രത്ത്, എ.കെ അഷ്റഫ് ഹാജി തുടങ്ങിയവർ പങ്കെടുത്തു.
ജനറൽ സെക്രട്ടറി ടി.സി. സിറാജ്, മുഹമ്മദ് തൻവീർ,കെ.സി ഖാദർ,എം.സി ഹനീഫ്,സുബൈർ കായക്കൊടി, സിറാജ് ഹുദവി, മുഹമ്മദ് മൗലവി, ടി.സി ശബീർ, അയാസ് നീലസന്ദ്ര, ആസിഫ് ഇഖ്ബാൽ, ടി.പി മുനീറുദ്ദീൻ, ശംസുദ്ദീൻ കൂടാളി കെ.എച്ച് ഫാറൂഖ്, ഷംസുദ്ദീൻ അനുഗ്രഹ; ബഷീർ ഇമ്പീരിയൽ, പി.എം ലത്തീഫ് ഹാജി, തുടങ്ങിയവരും പ്രവർത്തകരും ചേർന്ന് ട്രോഫികൾ സമ്മാനിച്ചു.
ബാംഗ്ലൂരിലെ പുത്തൂർകാർ ടീം
SUMMARY : MMA Super Cup: Friends United F.C. Winners
