ബെംഗളൂരു: രണ്ടാം വർഷ പി.യു വിദ്യാര്ഥികളുടെ പ്രിപ്പറേറ്ററി പരീക്ഷകളില് ക്രമക്കേട് കണ്ടെത്തിയാല് കോളേജുകളുടെ അഫിലിയേഷൻ പിൻവലിക്കുമെന്ന മുന്നറിയിപ്പുമായി പ്രീ-യൂനിവേഴ്സിറ്റി വിദ്യാഭ്യാസ വകുപ്പ്. ജനുവരി 19 മുതൽ ഫെബ്രുവരി രണ്ടുവരെയാണ് രണ്ടാംഘട്ട പരീക്ഷ. എസ്.എസ്.എൽ.സി പ്രിപ്പറേറ്ററി പരീക്ഷാ ചോദ്യപേപ്പർ ചോർന്നതുമായി ബന്ധപ്പെട്ട വിവാദത്തിന്റെ പശ്ചാത്തലത്തിലാണ് മുന്നറിയിപ്പ്. ചോദ്യപേപ്പറുകൾ ചോർന്നാലോ തെറ്റായി കൈകാര്യം ചെയ്താലോ കര്ശന നടപടികള് കൈകൊള്ളുമെന്നാണ് മുന്നറിയിപ്പ്.
രണ്ടാം വർഷ പി.യു വിദ്യാര്ഥികളുടെ ഒന്നാംഘട്ട പ്രിപ്പറേറ്ററി പരീക്ഷകളില് വീഴ്ചയുണ്ടായിട്ടില്ല. എന്നാലും വരാനിരിക്കുന്ന പരീക്ഷകളിലും സമാനമായ പിഴവുകൾ ഉണ്ടാകാനുള്ള സാധ്യതഒഴിവാക്കാന് പിയു വകുപ്പ് ജാഗ്രതപുലര്ത്തുന്നുണ്ട്.
എസ്.എസ്.എൽ.സി ചോദ്യപേപ്പർ ചോർച്ച കേസിൽ കർണാടക സ്കൂൾ എജുക്കേഷന് ആന്ഡ് അസസ്മെന്റ് ബോർഡ് നൽകിയ പരാതിയെത്തുടർന്ന് അധ്യാപകരും വിദ്യാര്ഥികളുമടക്കം എട്ട് പേരെ അറസ്റ്റ് ചെയതിരുന്നു.
SUMMARY: If irregularity is found in the PU examination, the affiliation of the colleges will be withdrawn; Department of Education
WhatsApp
Telegram
