ആലപ്പുഴ: ആലപ്പുഴ തീരദേശ റെയില്പാതയില് ട്രെയിനില് നിന്ന് വീണ് കോഴിക്കോട് സ്വദേശിനിയായ യുവതി മരണപെട്ടു. കോഴിക്കോട് ഒളവണ്ണ പുല്പ്പറമ്പില് കൃഷ്ണന്റെ മകള് നേഹ കൃഷ്ണന് (25) ആണ് മരിച്ചത്. തിങ്കളാഴ്ച രാവിലെ അരൂരിനും തുറവൂരിനും ഇടയില്, എഴുപുന്ന ശ്രീനാരായണപുരം ലെവല് ക്രോസിന് തെക്കുഭാഗത്തുള്ള ചെറിയ വളവിനോട് ചേര്ന്നാണ് മൃതദേഹം കണ്ടെത്തിയത്.
ട്രെയിന് യാത്രയ്ക്കിടെ അബദ്ധത്തില് താഴേക്ക് വീണതാകാം മരണകാരണമെന്നാണ് പോലീസിന്റെ പ്രാഥമിക നിഗമനം. വിവരമറിഞ്ഞ് അരൂര് പോലീസ് സ്ഥലത്തെത്തി പ്രാഥമിക പരിശോധനകള് നടത്തി മൃതദേഹം മേല്നടപടികള്ക്കായി മാറ്റി. അപകടത്തില് പോലീസ് വിശദമായ അന്വേഷണം ആരംഭിച്ചിട്ടുണ്ട്.
SUMMARY: A young woman from Kozhikode died after falling from a train in Alappuzha
