ബെംഗളൂരു: സമസ്ത മതവിദ്യാഭ്യാസ ബോർഡിന്റെ 5, 7, 10 ക്ലാസുകളിലെ പൊതുപരീക്ഷയിൽ മലബാർ മുസ്ലിം അസോസിയേഷനു കീഴിലെ മദ്രസകൾക്കു നൂറുശതമാനം വിജയം. 59 വിദ്യാർഥികൾ പരീക്ഷ എഴുതിയതിൽ 2 പേർക്ക് ടോപ്പ് പ്ലസും 29 പേർക്ക് ഡിസ്റ്റിങ്ഷനും ലഭിച്ചു. ജയനഗർ ഇർശാദുൽ മദ്രസയിലെ 5–ാം ക്ലാസ് വിദ്യാർഥി മുഹമ്മദ് സുഹാൻ (487 മാർക്ക്), ഏഴാം ക്ലാസിലെ പി.ഫാത്തിമ (490 മാർക്ക്) എന്നിവർക്കാണു ടോപ്പ് പ്ലസ്.
മലബാർ മുസ്ലിം അസോസിയേഷനു കീഴിലെ മദ്രസകളിൽ വിദ്യാഭ്യാസം പൂർണ്ണമായും സൗജന്യമായാണ് നൽകുന്നത്. പഠനോപകരണങ്ങളും യാത്രാ സൗകര്യങ്ങളും അടക്കം ഒന്നിനും വിദ്യാർത്ഥികളിൽ നിന്നും ഫീസുകൾ ഈടാക്കാറില്ല. ഉന്നത വിജയം നേടിയ വിദ്യാർത്ഥികളെ പ്രസിഡണ് Dr എൻ. എ. മുഹമ്മദും ജനറൽ സെക്രട്ടറി ടി.സി. സിറാജും അഭിനന്ദനമറിയിച്ചു.
