കൊച്ചി: നടി ശ്വേതാ മേനോൻ സമർപ്പിച്ച ഹർജിയില് കക്ഷി ചേരണമെന്ന് ആവശ്യപ്പെട്ട് നടി അൻസിബ നല്കിയ അപേക്ഷ മുൻസിഫ് കോടതി തള്ളി. ഈ കേസില് കക്ഷി ചേരാൻ അൻസിബയ്ക്ക് അവകാശമില്ലെന്ന ശ്വേതാ മേനോന്റെ വാദം കോടതി അംഗീകരിക്കുകയായിരുന്നു.
‘അമ്മ’ സംഘടനയുടെ പ്രസിഡന്റ് സ്ഥാനം ശ്വേതാ മേനോൻ രാജിവച്ചതിന് പിന്നാലെ രൂപീകരിച്ച അഡ്ഹോക്ക് കമ്മിറ്റി നിയമവിരുദ്ധമാണെന്ന് ചൂണ്ടിക്കാട്ടിയാണ് ശ്വേത കോടതിയെ സമീപിച്ചത്. ‘അമ്മ’യുടെ ബൈലോ പ്രകാരം ഇത്തരമൊരു താത്കാലിക കമ്മിറ്റി രൂപീകരിക്കാൻ യാതൊരു വ്യവസ്ഥയുമില്ലെന്നും, അതിനാല് ഈ കമ്മിറ്റി സാധുവല്ലെന്നുമാണ് ശ്വേതയുടെ ഹർജിയിലെ പ്രധാന വാദം.
ഈ കേസില് തനിക്ക് ചില കാര്യങ്ങള് ബോധിപ്പിക്കാനുണ്ടെന്നും അതിനാല് തന്നെയും കക്ഷിയാക്കണമെന്നും ആവശ്യപ്പെട്ടാണ് അൻസിബ കോടതിയെ സമീപിച്ചത്. എന്നാല്, കോടതി അൻസിബയുടെ അപേക്ഷ തള്ളുകയായിരുന്നു.
SUMMARY: AMMA Ad-hoc Committee: Ansiba’s plea dismissed
