കോട്ടയം: കോട്ടയം: പുതുതായി അനുവദിച്ച അമൃത് ഭാരത് എക്സ്പ്രസുകൾ കോട്ടയം വഴി സർവീസ് നടത്തുമെന്ന് കൊടിക്കുന്നിൽ സുരേഷ് എംപി. ഈ ട്രെയിനുകൾക്ക് മാവേലിക്കര, ചെങ്ങന്നൂർ, ചങ്ങനാശ്ശേരി സ്റ്റേഷനുകളിൽ സ്റ്റോപ്പ് അനുവദിച്ചതായും കൊടിക്കുന്നിൽ സുരേഷ് ഫെയ്സ്ബുക്ക് കുറിപ്പിൽ അറിയിച്ചു. ഈ ട്രെയിനുകളുടെ ഫ്ളാഗ് ഓഫ് ജനുവരി 23ന് പ്രധാനമന്ത്രി നരേന്ദ്ര മോദി ഓണ്ലൈനായി നിര്വഹിക്കും.
പുതുതായി അനുവദിച്ച നാഗർകോവിൽ-മംഗലാപുരം, തിരുവനന്തപുരം നോർത്ത്-ചാർലപ്പള്ളി(ഹൈദരാബാദ്) അമൃത് ഭാരത് എക്സ്പ്രസുകളാണ് കോട്ടയം വഴി സർവീസ് നടത്തുക. ഈ രണ്ട് ട്രെയിനുകളും കോട്ടയം വഴി ഓടിക്കണമെന്ന ആവശ്യം നേരത്തേ റെയിൽവേ മന്ത്രിയുടെയും റെയിൽവേ ബോർഡിന്റെയും മുന്നിൽ ഉന്നയിച്ചിരുന്നതായും ഇതിനാണ് അനുകൂല തീരുമാനമുണ്ടായിരിക്കുന്നതെന്നും കൊടിക്കുന്നിൽ പറഞ്ഞു. മാവേലിക്കര, ചെങ്ങന്നൂർ, ചങ്ങനാശ്ശേരി സ്റ്റേഷനുകളിൽ സ്റ്റോപ്പ് അനുവദിച്ചതോടെ മധ്യകേരളത്തിലെ സാധാരണ യാത്രക്കാർക്ക് മംഗലാപുരം, ഹൈദരാബാദ് മേഖലകളിലേക്ക് കൂടുതൽ മെച്ചപ്പെട്ട റെയിൽബന്ധം ഉറപ്പാക്കാൻ സാധിക്കുമെന്നും അദ്ദേഹം പറഞ്ഞു.
തിരുവല്ലയില് എത്തിച്ചേരുന്ന ട്രെയിനുകള്ക്ക് ജനപ്രതിനിധികളുടെയും റെയില്വേ ഉദ്യോഗസ്ഥരുടെയും മറ്റും നേതൃത്വത്തില് വമ്പിച്ച സ്വീകരണം നല്കും. അമൃത് ഭാരത് എക്സ്പ്രസ്സ് ട്രെയിനുകള് പത്തനംതിട്ട ജില്ലയിലെയും സമീപ പ്രദേശങ്ങളിലെയും യാത്രക്കാര്ക്ക് ഏറെ ഉപകാരപ്പെടുന്നതാണെന്നും ദീര്ഘദൂര യാത്രകള് കൂടുതല് സൗകര്യപ്രദമാകുന്നതിനൊപ്പം, മേഖലയിലെ വികസനത്തിനും സഹായകരമാകുമെന്നും എം പി പറഞ്ഞു. നോണ്-എസി വിഭാഗത്തിലുള്ള, സാധാരണ ജനങ്ങളെ ലക്ഷ്യമിട്ട് രൂപകല്പ്പന ചെയ്ത അമൃത് ഭാരത് എക്സ്പ്രസ്സ് ട്രെയിനുകള് കോട്ടയം വഴി സര്വീസ് നടത്തുന്നത് വിദ്യാഭ്യാസം, തൊഴില്, ചികിത്സ, വ്യാപാരം എന്നിവക്കായി യാത്ര ചെയ്യുന്ന ആയിരക്കണക്കിന് ആളുകള്ക്ക് വലിയ ആശ്വാസമാകുമെന്നും എം പി പറഞ്ഞു.
SUMMARY: Amrit Bharat Express: Stops at Mavelikkara, Chengannur, Thiruvalla, Changanassery stations via Kottayam
