ബെംഗളൂരു: കുടകില് കാട്ടാനയുടെ ആക്രമണത്തില് വീട്ടമ്മ കൊല്ലപ്പെട്ടു. വാല്നൂര് ബലേഗുണ്ടിയിലെ വനത്തിന്റെ അതിര്ത്തിക്കടുത്താണ് ആക്രമണം നടന്നത്. നഞ്ചരായപട്ടണ പഞ്ചായത്ത് മുന് അംഗമായ കുശാല്നഗര് ബലേഗുണ്ടി സ്വദേശി ജലജാക്ഷി (55) ആണു മരിച്ചത്. നാലു പേര്ക്കൊപ്പം വനാതിര്ത്തിയിലൂടെ നടക്കുന്നതിനിടെ കാട്ടാന ആക്രമിക്കുകയായിരുന്നു.
ഇതോടെ ഇക്കൊല്ലം കുടകില് കാട്ടാന ആക്രമണത്തില് കൊല്ലപ്പെട്ടവരുടെ എണ്ണം നാലായി. സംഭവത്തില് പ്രതിഷേധവുമായി പ്രദേശവാസികള് രംഗത്തെത്തി. അസിസ്റ്റന്റ് ഫോറസ്റ്റ് കണ്സര്വേറ്റര് (എസിഎഫ്) ഗോപാല്, ഡിസിഎഫ് അഭിഷേക് എന്നിവരുള്പ്പെടെയുള്ള വനം ഉദ്യോഗസ്ഥര് സ്ഥലം സന്ദര്ശിക്കുകയും ആനയെ പിടികൂടാനുള്ള നടപടികള് ആരംഭിക്കുമെന്നു ഉറപ്പ് നല്കി.
SUMMARY: Another wild elephant attack: Housewife killed
