ബെംഗളൂരു : കര്ണാടക നായര് സര്വീസ് സൊസൈറ്റി ജയമഹല് കരയോഗം യുവജന വിഭാഗം കിശോരയുടെ നേതൃത്വത്തില് സംഘടിപ്പിച്ച ഇന്റര് കരയോഗം ക്രിക്കറ്റ് ടൂര്ണമെന്റില് വിജയനഗര് കരയോഗം ചാമ്പ്യന്മാരായി. ബെല്ലാരി റോഡ് ഹെബ്ബാള് വെറ്റിനറി കോളജ് ഗ്രൗണ്ടില് നടന്ന മത്സരങ്ങളില് 10 കരയോഗങ്ങള് പങ്കെടുത്തു. റണ്ണര് അപ് ആയി തിപ്പസാന്ദ്ര സി വി രാമന് നഗര് കരയോഗം അര്ഹരായി.
മാന് ഓഫ് ദി സീരീസ് ദീപക് (തിപ്പസാന്ദ്ര കരയോഗം), മാന് ഓഫ് ദി മാച്ച് ബിജു നായര് (വിജയ നഗര് കരയോഗം) ബെസ്റ് ഫീല്ഡര് അഖില് ടി സി (ജയമഹല് കരയോഗം) എന്നിവര് നേടി. വിജയികള്ക്ക് ചെയര്മാന് രാമചന്ദ്രന് പാലേരി സമ്മാനദാനം നിര്വഹിച്ചു.
<BR>
TAGS : KNSS
