മംഗളൂരു: ബക്രീദ് അവധിക്കാലത്തെ യാത്രക്കാരുടെ കനത്ത തിരക്ക് പരിഗണിച്ച് മംഗളൂരു സെൻട്രലിൽനിന്നും ഷൊർണൂർ ജങ്ഷനിലേക്ക് സ്പെഷ്യല് വൺവേ അൺറിസർവ്ഡ് എക്സ്പ്രസ് ട്രെയിൻ ഇന്ന് സർവീസ് നടത്തും. വൈകിട്ട് 6.00ന് മംഗളൂരു സെൻട്രലിൽനിന്നും പുറപ്പെടുന്ന ട്രെയിൻ നമ്പർ 06131 സ്പെഷ്യൽ എക്സ്പ്രസ് പിറ്റേന്ന് പുലർച്ചെ മൂന്നിന് ഷൊർണൂർ ജങ്ഷനിൽ എത്തിച്ചേരും. 5 സെക്കൻഡ് ക്ലാസ് ചെയർകാർ കോച്ചുകൾ, 13 സെക്കൻഡ് ക്ലാസ് ജനറൽ കോച്ചുകൾ, ഭിന്നശേഷി സൗഹൃദമായ 2 സെക്കൻഡ് ക്ലാസ് കം ലഗേജ് ബ്രേക്ക് വാൻ കോച്ചുകൾ എന്നിവയടക്കം ആകെ 20 കോച്ചുകളാണ് ഉണ്ടാവുക.
മംഗളൂരു സെൻട്രൽ (18.00), കാസറഗോഡ് (18.38), കാഞ്ഞങ്ങാട് (19.04), നീലേശ്വരം (19.13), ചെറുവത്തൂർ (19.20), പയ്യന്നൂർ (19.31), പഴയങ്ങാടി (19.44), കണ്ണൂർ (20.17), തലശ്ശേരി (20.38), മാഹി (20.49), വടകര (21.04), കൊയിലാണ്ടി (21.24), കോഴിക്കോട് (21.52), ഫറോക്ക് (22.09), തിരൂർ (22.38), കുറ്റിപ്പുറം (22.59) എന്നിവിടങ്ങളിലാണ് പ്രധാന സ്റ്റോപ്പുകൾ.
SUMMARY: Bakrid holiday; Mangalore-Shornur special unreserved express train today
