മക്ക: സൗദിയിലെ മക്കയില്‍ പുക ശ്വസിച്ച്‌ കാസറഗോഡ് സ്വദേശിയായ കെ.എം.സി.സി പ്രവർത്തകൻ മരിച്ചു. അസീസിയ കെ.എം.സി.സി പ്രവർത്തകനായ പി.പി. മുഹമ്മദ് കുഞ്ഞി(58)യാണ് മരിച്ചത്. താമസിച്ചിരുന്ന കെട്ടിടത്തിന് തീപിടിച്ചതിനെ തുടർന്ന് മുറിയിലേക്ക് പടർന്ന പുക ശ്വസിച്ചാണ് മരണം.
മക്കയിലെ അസീസിയ ഉമ്മുല്‍ ഖുറാ യൂണിവേഴ്‌സിറ്റിയുടെ അടുത്തായിരുന്നു താമസം. ഇദ്ദേഹത്തോടൊപ്പം താമസിച്ചിരുന്ന രണ്ട് ബംഗാള്‍ സ്വദേശികളും ഈ അപകടത്തില്‍ മരിച്ചു. മൃതദേഹം അല്‍ നൂർ ഹോസ്പിറ്റലിലേക്ക് മാറ്റിയിട്ടുണ്ട്. നടപടി ക്രമങ്ങള്‍ പൂർത്തിയാക്കി മക്കയില്‍ ഖബറടക്കും.
SUMMARY: Building fire in Mecca: Malayali dies from smoke inhalation
