തിരുവനന്തപുരം: തലസ്ഥാനത്ത് യൂത്ത് കോൺഗ്രസ് നടത്തിയ മാർച്ചിനിടെ സംഘർഷം. പ്രകടനത്തിനുനേരെ യൂണിവേഴ്സിറ്റി ഹോസ്റ്റലിൽനിന്ന് കല്ലേറുണ്ടായി. യൂത്ത് കോൺഗ്രസ് പ്രവർത്തകർ തിരികെ തീപ്പന്തം എറിയുകയും സ്ഥലത്ത് വൻ സംഘർഷാവസ്ഥ രൂപപ്പെടുകയുമായിരുന്നു. തുടർന്ന് പോലീസ് ലാത്തിച്ചാർജും ഗ്രനേഡ്, കണ്ണീർവാതക പ്രയോഗവും നടത്തി.
ഗ്യാനേഷ് കുമാറിന്റെ രാജി ആവശ്യപ്പെട്ട് മന്ത്രി ഒ.ജെ.ജനീഷ്, ഷാഫി പറമ്പിൽ എം.പി എന്നിവർ നയിച്ച മാർച്ചിന് നേരെയാണ് കല്ലേറുണ്ടായത്. യൂത്ത് കോൺഗ്രസ് പ്രവർത്തകർ റോഡിൽ ടയർ കത്തിച്ച് പ്രതിഷേധിക്കുന്നതിനിടെ ഹോസ്റ്റലിൽ നിന്ന് കൂവലുണ്ടായി. പിന്നാലെ ബിയർ കുപ്പികളും കല്ലുകളും എസ്.എഫ്.ഐ പ്രവർത്തകർ എറിഞ്ഞെന്ന് യൂത്ത് കോൺഗ്രസ് ആരോപിച്ചു. യൂണിവേഴ്സിറ്റി ഹോസ്റ്റലിനുള്ളിൽ കയറിയ പോലീസ് എസ്.എഫ്.ഐ പ്രവർത്തകർക്ക് നേരെ ലാത്തിച്ചാർജ് നടത്തി. നിരവധി വിദ്യാർത്ഥികൾക്ക് പരുക്കേറ്റു.
സ്ഥലത്ത് വേണ്ടത്ര പോലീസ് വിന്യാസം ഇല്ലാതിരുന്നത് സ്ഥിതിഗതികള് സങ്കീര്ണ്ണമാക്കി. യൂത്ത് കോണ്ഗ്രസ് പ്രവര്ത്തകര് റോഡില് ടയര് കത്തിച്ചു പ്രതിഷേധിക്കുന്നതിനിടെ ഹോസ്റ്റലില് നിന്ന് കൂവലുണ്ടായി. ഇതിനുപിന്നാലെ കല്ലേറു ണ്ടായി. കല്ലെറിഞ്ഞത് എസ് എഫ് ഐ പ്രവര്ത്തകരാണെന്ന് യൂത്ത് കോണ്ഗ്രസ് ആരോപിച്ചു. അതേസമയം മാര്ച്ച് കടന്നുപോയപ്പോള് യൂത്ത് കോണ്ഗ്രസുകാര് അസഭ്യം പറയുകയും ഹോസ്റ്റലിനുള്ളിലേക്ക് ബിയര് കുപ്പികളും തീപ്പന്തങ്ങളും എറിയുകയുമായിരുന്നുവെന്നും വിദ്യാര്ത്ഥികള് ആരോപിച്ചു.
ഹോസ്റ്റല് വളപ്പില് യൂത്ത് കോണ്ഗ്രസുകാര് എറിഞ്ഞ പന്തങ്ങള് വിദ്യാര്ഥികള് കൂട്ടിയിട്ട് കത്തിച്ച് പ്രതിഷേധിച്ചു. കറണ്ട് പുനഃസ്ഥാപിക്കാതെ തീയണക്കാന് സമ്മതിക്കില്ലെന്ന നിലപാടിലാണ് വിദ്യാര്ത്ഥികള്. തുടര്ന്ന് ഫയര്ഫോഴ്സ് ഹോസ്റ്റലിന് പുറത്തുനിന്ന് വെള്ളമടിച്ച് തീയണക്കാന് ശ്രമിക്കുകയാണ്. സ്ഥലത്ത് വന് പോലീസ് സംഘം നിലയുറപ്പിച്ചിട്ടുണ്ട്. ഒടുവില് പോലീസ് ഹോസ്റ്റല് വളപ്പില് കയറി. വിദ്യാര്ഥികളെ ലാത്തിച്ചാര്ജ് ചെയ്തു. നിരവധിപേർക്ക് പരുക്കേറ്റു. പരുക്കേറ്റവരെ ആശുപത്രിയിൽ പ്രവേശിപ്പിച്ചു. ഇതിനിടെ എസ്.എഫ്.ഐ. പ്രവർത്തകരെ ആശുപത്രിയിലേക്ക് കൊണ്ടുപോയ വാഹനങ്ങൾ യൂത്ത് കോൺഗ്രസ് പ്രവർത്തകർ തടഞ്ഞു. എ.ഡി.ജി.പി. പി. വിജയൻ സംഘർഷം ശാന്തമാക്കാൻ രംഗത്തിറങ്ങി.
തലസ്ഥാനത്ത് സംഘർഷാവസ്ഥ തുടരുകയാണ്. വൻ പൊലീസ് സന്നാഹവും സ്ഥലത്തുണ്ട്.
