പാലക്കാട്: സിപിഐയുടെ സംഘടനാ ചരിത്രത്തിലെ ആദ്യ വനിതാ ജില്ലാ സെക്രട്ടറിയായി സുമലത മോഹൻദാസ്. പാലക്കാട് ജില്ലാ സമ്മേളനത്തിലാണ് പുതിയ ജില്ലാ സെക്രട്ടറിയായി സുമലത മോഹൻദാസിനെ തിരരഞ്ഞെടുത്തത്. നിലവിൽ മലമ്പുഴ പഞ്ചായത്ത് വൈസ് പ്രസിഡൻ്റും, മഹിള സംഘം ജില്ലാ സെക്രട്ടറിയുമാണ് സുമലത മോഹൻദാസ്. സുമലത മലമ്പുഴ മന്തക്കാട് തോട്ടപുര സ്വദേശിനിയാണ്. ജില്ലാ സമ്മേളനത്തിൽ 45 അംഗ ജില്ലാ കൗൺസിലും തിരഞ്ഞെടുത്തു. വടക്കഞ്ചേരിയിലാണ് സിപിഐ പാലക്കാട് ജില്ലാ സമ്മേളനം നടന്നത്.
സെക്രട്ടറിയായാതിൽ സന്തോഷമുണ്ടെന്നും പാർട്ടിയെ ശക്തിപ്പെടുത്തുമെന്നും സുമലത മോഹൻദാസ് പ്രതികരിച്ചു. എല്ലാവരെയും ഒന്നിപ്പിച്ച് മുന്നോട്ടു പാർട്ടിയെ നയിക്കും. പ്രശ്നങ്ങൾ ഒന്നും ഇല്ലാതെയാണ് ജില്ലാ സമ്മേളനം സമാപിച്ചത്. വനിതകൾക്ക് കമ്മ്യൂണിസ്റ്റ് പാർട്ടി നൽകിയ അംഗീകാരമാണെന്നും സുമലത പറഞ്ഞു.
SUMMARY: CPI appoints first woman district secretary; Sumalatha Mohandas appointed CPI Palakkad district secretary
