ബെംഗളൂരു: മലയാളം മിഷൻ കർണാടക ചാപ്റ്റർ മൈസൂരു മേഖലാ സർട്ടിഫിക്കറ്റ് വിതരണം ഡി പോൾ പബ്ലിക് സ്കൂൾ പ്രിൻസിപ്പൽ ഫാ. ജോമേഷ് മാളോല ഉദ്ഘാടനം ചെയ്തു. കണിക്കൊന്ന, സൂര്യകാന്തി, ആമ്പൽ പരീക്ഷകളിലെ വിജയികളായ 60 വിദ്യാർഥികൾക്കാണ് സർട്ടിഫിക്കറ്റുകൾ ഏറ്റുവാങ്ങി. മലയാളം മിഷൻ കർണാടക ചാപ്റ്റർ വൈസ് പ്രസിഡന്റ് സുരേഷ് ബാബു മുഖ്യാതിഥിയായി.
കേരള സമാജം പ്രസിഡന്റ് പി.എസ്. നായർ, സെക്രട്ടറി മുരളീധര മേനോൻ, മുദ്ര മലയാള വേദി പ്രസിഡന്റ് വിജിത്ത് വർഗീസ്, റെയിൽവേ മലയാളി സമിതി പ്രസിഡന്റ് ഷിബിൻ ബേബി, സെക്രട്ടറി സതീന്ദ്രൻ, ഇൻഫന്റ് ജീസസ് കത്തീഡ്രൽ പിതൃവേദി സെക്രട്ടറി കെ.ടി. മാത്യു, കെ.പി. നാരായണ പൊതുവാൾ, അധ്യാപക സമിതി അംഗം ദേവി പ്രദീപ്, മലയാളം മിഷൻ മൈസൂരു മേഖലാ കോ ഓർഡിനേറ്റർ പ്രദീപ് മാരിയിൽ എന്നിവർ സംസാരിച്ചു. അധ്യാപകരായ സുധ, അംബരീഷ്, ഷമീർ, ജിൻസി ജിജിൻ, അനിത സുധാകരൻ, സുചിത്ര പ്രേം, ധന്യ മനീഷ്, ഷിജിന എന്നിവർ നേതൃത്വം നൽകി. മൈസൂരു മേഖലയിലെ മൈസൂരു നഞ്ചൻഗുഡ്, ചാമരാജനഗർ, എച്ച് ഡി കോട്ട എന്നിവിടങ്ങളിലെ 10 സെന്ററുകളിലെ പരീക്ഷാ വിജയികളും അധ്യാപകരും സർട്ടിഫിക്കറ്റ് വിതരണത്തിൽ പങ്കെടുത്തു.
SUMMARY: Distribution of Malayalam Mission Certificates
SUMMARY: Distribution of Malayalam Mission Certificates
.
