ബെംഗളൂരു: ഡോ. പല്‍പു മെമ്മോറിയൽ സൊസൈറ്റി ബെംഗളൂരു മലയാളികളുടെ രചനകൾക്ക് ഏർപ്പെടുത്തിയ ‘ഡോ. പല്‍പുസ്മാരക സാഹിത്യ പുരസ്കാരങ്ങൾ പ്രഖ്യാപിച്ചു. സത്യൻ പുത്തൂർ (ആത്മകഥ-എന്റെ കണ്ണൂരും തോരാത്ത കണ്ണീരും), രമ പ്രസന്ന പിഷാരടി (കവിതാസമാഹാരം -ഭൂമി തേ സ്വസ്തി), പ്രേംരാജ് കെ.കെ. (നോവൽ-ഷഹനായി മുഴങ്ങുമ്പോൾ), രജത് കുറ്റിയാട്ടൂർ (ചെറുകഥാസമാഹാരം-രജത രേഖകൾ) എന്നിവർക്കാണ് പുരസ്ക്കാരങ്ങൾ.
കുന്ദമംഗലം നാരായണൻ, പി എസ് എം ബഷീർ, എൻ ഗോപിനാഥൻ എന്നിവരടങ്ങുന്ന ജൂറിയാണ് പുസ്കാര ജേതാക്കളെ തിരഞ്ഞെടുത്തത്. 5,000 രൂപയും ഫലകവും സർ ട്ടിഫിക്കറ്റും അടങ്ങുന്ന പുരസ്ക്കാരം ഏപ്രിൽ 19-ന് ബെംഗളൂരുവിൽ നടക്കുന്ന ചടങ്ങിൽ വിതരണം ചെയ്യും. ഡോ.പി. പല്‍പുവിൻ്റെ ബെംഗളൂരു ജീവിതത്തെപ്പറ്റിയുള്ള പുസ്തകം ചടങ്ങിൽ പ്രകാശനം ചെയ്യും.
SUMMARY: Dr. Palpu Memorial Literary Awards announced
