ഡല്ഹി: കേരളം ഉള്പ്പെടെ അഞ്ച് സംസ്ഥാനങ്ങളിലെ നിയമസഭ തിരഞ്ഞെടുപ്പ് തീയതി നാളെയോ മറ്റന്നാളോ പ്രഖ്യാപിക്കും. വിവിധ സംസ്ഥാനങ്ങളിലേക്കുള്ള അര്ധ സൈനിക സേന വിന്യാസം ഉള്പ്പെടെയുള്ള വിഷയങ്ങളില് തിരഞ്ഞെടുപ്പ് കമ്മീഷന് കേന്ദ്രവുമായി ചര്ച്ച നടത്തി.
മെയ് അഞ്ചിന് മുൻപ് വോട്ടെണ്ണൽ പൂർത്തിയാക്കുന്ന തരത്തിലാകും തിരഞ്ഞെടുപ്പ് കമ്മീഷൻ ഷെഡ്യൂൾ തയാറാക്കുക. കേരളം, തമിഴ്നാട്, പുതുച്ചേരി എന്നീ സംസ്ഥാനങ്ങളില് ഒറ്റഘട്ടമായി വോട്ടെടുപ്പ് പൂര്ത്തിയാക്കാനാണ് കമ്മീഷന്റെ ആലോചന. വിഷു, വേനല് എന്നിവ പരിഗണിച്ച് കേരളത്തില് ഏപ്രില് 15നും 30നും ഇടയില് വോട്ടെടുപ്പ് നടത്താനാണ് നീക്കം. ബംഗാളില് കഴിഞ്ഞ തവണ എട്ട് ഘട്ടങ്ങളിലായി നടന്ന വോട്ടെടുപ്പ് ഇത്തവണ അഞ്ച് ഘട്ടങ്ങളായി കുറച്ചേക്കും. അസമില് തിരഞ്ഞെടുപ്പ് മൂന്ന് ഘട്ടങ്ങളിലായി പൂര്ത്തിയാക്കാനാണ് സാധ്യത.
SUMMARY: Election dates in five states including Kerala will be announced tomorrow or the next day
