വൈക്കത്ത് എല്‍.ഡി.എഫ് തിരഞ്ഞെടുപ്പ് കമ്മറ്റി ഓഫീസിൽ കർഷകൻ തൂങ്ങിമരിച്ച നിലയിൽ

കോ​ട്ട​യം: വൈക്കത്ത് എല്‍.ഡി.എഫ് തിരഞ്ഞെടുപ്പ് കമ്മറ്റി ഓഫീസിൽ ക​ർ​ഷ​ക​നെ ജീ​വ​നൊ​ടു​ക്കി​യ നി​ല​യി​ൽ ക​ണ്ടെ​ത്തി. വൈ​ക്കം സ്വ​ദേ​ശി ചെ​ല്ല​പ്പ​ൻ പു​ളി​ക്ക​ശേ​രി​യാ​ണ് തൂ​ങ്ങി​മ​രി​ച്ച​ത്. സിപിഐയുടെ ത​ല​യാ​ഴം തിരഞ്ഞെടുപ്പ് കമ്മിറ്റി ഓഫീസിലാണ് സംഭവം നടന്നത്. ഇന്നലെ രാത്രിയാണ് ചെല്ലപ്പൻ ജീവനൊടുക്കിയതെന്നാണ് നിഗമനം. ഇന്നുരാവിലെയാണ് അദ്ദേഹത്തെ മരിച്ചനിലയിൽ കണ്ടത്.

സിപിഐ അനുഭാവിയും പ്രാദേശിക നേതാവുമായ ചെല്ലപ്പൻ സി​പി​ഐയുടെ ജി​ല്ലാ നേ​താ​ക്ക​ൾ തന്റെ ഉ​പ​ജീ​വ​ന​മാ​ർ​ഗം ന​ശി​പ്പി​ച്ചെ​ന്ന് പ​രാ​തി​പ്പെ​ട്ടി​രു​ന്നു. തു​ട​ർ​ന്ന് സ​മൂ​ഹ​മാ​ധ്യ​മ​ങ്ങ​ളി​ൽ സി​പി​ഐ നേ​തൃ​ത്വ​ത്തി​നെ​തി​രെ വി​മ​ർ​ശ​നവും ഉ​ന്ന​യി​ച്ചി​രു​ന്നു. തുടർന്ന് പാർട്ടിയിൽ നിന്ന പുറത്തുപോവുകയും ചെയ്തിരുന്നു. അടുത്തിടെ വൈക്കത്തെ കോൺഗ്രസ് സ്ഥാനാർത്ഥിക്കായി വോട്ടുതേടുകയും ചെയ്തിരുന്നു

ആ​ർ​ഡി​ഒ എ​ത്താ​തെ മൃ​ത​ദേ​ഹം അ​ഴി​ച്ച് മാ​റ്റാ​നാ​വി​ല്ലെ​ന്ന് നാ​ട്ടു​കാ​രും ബ​ന്ധു​ക്ക​ളും അ​റി​യി​ച്ചു. സം​ഘ​ർ​ഷ സാ​ധ്യ​ത ക​ണ​ക്കി​ലെ​ടു​ത്ത് വ​ൻ പോ​ലീ​സ് സം​ഘം സ്ഥ​ല​ത്ത് നി​ല​യു​റ​പ്പി​ച്ചി​ട്ടു​ണ്ട്.
SUMMARY: Farmer found hanging at CPI office