കോഴിക്കോട്: വെള്ളിപറമ്പില് മകന്റെ മര്ദനമേറ്റ് 66കാരനായ പിതാവ് മരിച്ചു. മക്കിനിയാട്ട് ശശിധരനാണ് മരിച്ചത്. സംഭവത്തില് മകന് അഭിരാമിനെ മെഡിക്കല് കോളജ് പോലിസ് അറസ്റ്റ് ചെയ്തു. ഇന്ന് പുലര്ച്ചെ 1.45ഓടെയാണ് സംഭവം. സ്ഥിരമായി മദ്യപിച്ചെത്തി വീട്ടില് പ്രശ്നങ്ങളുണ്ടാക്കുന്ന അഭിരാം ഇതിനിടെ ശശിധരന്റെ തലയ്ക്ക് അടിക്കുകയായിരുന്നുവെന്ന് പോലിസ് പറഞ്ഞു.
ഗുരുതരമായി പരുക്കേറ്റ ശശിധരനെ സമീപവാസികള് ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. അഭിരാം ലഹരിക്ക് അടിമയാണെന്നും പോലിസ് അറിയിച്ചു. സംഭവത്തില് പോലിസ് പ്രതിയെ ചോദ്യം ചെയ്തുവരികയാണ്.
SUMMARY: Father dies after being beaten by son
