ബെംഗളൂരു: കേരള അതിര്ത്തിയായ മൂലഹോളെ ഫോറസ്റ്റ് ചെക്ക് പോസ്റ്റിന് സമീപം ദേശീയപാതയിലുണ്ടായ വാഹനാപകടത്തിൽ മലയാളികളായ അഞ്ചുപേർക്ക് പരുക്കേറ്റു. തിരുവമ്പാടി കളരിക്കൽ ഡെയ്സി (27), പെരുമ്പാവൂർ സ്വദേശികളായ കൂട്ടുങ്കൽ ബേബി സോളമൻ (68), ലില്ലി ബേബി (56), ആനന്ദ് ബേബി (31), അറക്കൽ റീന ബെന്നി (53) എന്നിവർക്കാണ് പരുക്കേറ്റത്. ഗുരുതര പരുക്കേറ്റ ഇവരെ സുൽത്താൻബത്തേരിയിലെ സ്വകാര്യ ആശുപത്രികളിലെ പ്രാഥമിക ചികിത്സയ്ക്ക് ശേഷം കോഴിക്കോട്ടെ സ്വകാര്യ മെഡിക്കൽകോളേജ് ആശുപത്രിയിലേക്ക് മാറ്റി.
ഞായറാഴ്ച വൈകീട്ട് മൂന്നരയോടെയായിരുന്നു അപകടം. ഗുണ്ടൽപേട്ട ഭാഗത്തുനിന്ന് വരുകയായിരുന്ന ഇവർ സഞ്ചരിച്ച വാഹനം നിയന്ത്രണംവിട്ട് മരത്തിലിടിച്ചാണ് അപകടം.മുള്ളൻകൊല്ലിയിൽ ബന്ധുവീട്ടിലെത്തിയശേഷം ഗുണ്ടൽപേട്ട പോയി മടങ്ങുന്നതിനിടെയാണ് അപകടമുണ്ടായത്.
SUMMARY: Five Malayalis injured in car accident near Moolahole forest check post
