ബെംഗളൂരു: കർണാടകയിൽ നിന്നും നിന്ന് മല്ലികാർജുൻ ഖാർഗെയും പവൻ ഖേരയുമടക്കം നാല് പേർ എതിരില്ലാതെ രാജ്യസഭയിലേക്ക് തിരഞ്ഞെടുക്കപ്പെട്ടു. കോൺഗ്രസ് ദേശീയഅധ്യക്ഷനും രാജ്യസഭാ പ്രതിപക്ഷ നേതാവുമായ മല്ലികാർജുൻ ഖാർഗെ, കോൺഗ്രസ് മാധ്യമ-പ്രചാരണ വിഭാഗം ചെയർമാൻ പവൻ ഖേര, എഐസിസി സെക്രട്ടറി മൻസൂർ അലി ഖാൻ, ബിജെപി സ്ഥാനാർഥി ഫ. എം. നാഗരാജ് എന്നിവരാണ് തിരഞ്ഞെടുക്കപ്പെട്ട സ്ഥാനാർഥികൾ.
നിലവിലെ രാജ്യസഭാ അംഗങ്ങളായ ഇരണ്ണ കദാഡി, നാരായണ കൊരഗപ്പ (ഇരുവരും ബിജെപി), മല്ലികാർജുൻ ഖാർഗെ (കോൺഗ്രസ്), മുൻ പ്രധാനമന്ത്രി എച്ച്.ഡി. ദേവഗൗഡ (ജെഡിഎസ്) എന്നിവരുടെ കാലാവധി ജൂൺ 25-ന് അവസാനിക്കുന്ന സാഹചര്യത്തിലാണ് തിരഞ്ഞെടുപ്പ് പ്രഖ്യാപിച്ചിരുന്നത്.
SUMMARY: Four people from Karnataka, including Mallikarjun Kharge and Pawan Kher, were elected unopposed to the Rajya Sabha.
