ബെംഗളൂരു: വയലാർ രാമവർമയുടെ സ്മരണാർത്ഥം അദ്ദേഹത്തിൻ്റെ ഗാനങ്ങളും കവിതകളും കോർത്തിണക്കി ഓൺസ്റ്റേജ് ജാലഹള്ളിയുടെ നേതൃത്വത്തിൽ ‘ഇന്ദ്ര ധനുസ്സ്’ എന്ന പേരിൽ വയലാർ സ്മരണ സംഘടിപ്പിക്കുന്നു. നവംബർ 9 ന് വൈകുന്നേരം 3 മണിക്ക് ഷെട്ടിഹള്ളി ആൽമരത്തിൻ്റെ അടുത്തുള്ള ലാസ്യ ഡാൻസ് ക്ലാസ്സ് കെട്ടിടത്തിൽ നടക്കുന്ന പരിപാടിയിൽ പി.കെ. ശശീന്ദ്രവർമ്മ, എഴുത്തുകാരനായ കെ. ആർ. കിഷോർ എന്നിവർ മുഖ്യാതിഥികൾ ആയിരിക്കും. സംഗീത സംവിധായകൻ അനിൽ കരുവിറ്റ കൂടാതെ പിന്നണി ഗായിക ശ്രീലക്ഷ്മി ജയചന്ദ്രൻ, പ്രണവ് ജയചന്ദ്രൻ എന്നിവരുടെ ഗാനങ്ങളും ഉണ്ടായിരിക്കും.
വയലാറിൻ്റെ ഗാനങ്ങൾ ആലപിക്കാനുള്ള അവസരം ഉണ്ടാകും. ‘ഇന്ദ്ര ധനുസ്സ്’ എന്ന പരിപാടിയിൽ പങ്കെടുക്കാൻ ആഗ്രഹിക്കുന്നവർ പാടാൻ ഉദ്ദേശിക്കുന്ന വയലാറിൻ്റെ ഗാനങ്ങൾ താഴെ കൊടുത്തിരിക്കുന്ന വാട്സ്ആപ്പ് നമ്പറിൽ അയക്കുക. കൂടുതൽ വിവരങ്ങൾക്ക്: 87149 66136.
