കൊച്ചി: ആരോഗ്യവകുപ്പ് ഡയറക്ടർ ഡോ. കെ ജെ റീനയെ സ്ഥലംമാറ്റിയ സർക്കാർ നടപടി ഹൈക്കോടതി ശരിവച്ചു. സ്ഥലംമാറ്റിയ ഉത്തരവ് റദ്ദാക്കിയ അഡ്മിനിസ്ട്രേറ്റീവ് ട്രൈബ്യൂണല് നടപടി ഹൈക്കോടതി റദ്ദാക്കി. അഡീഷണല് ഡയറക്ടർ ഡോ. വി മീനാക്ഷിക്ക് നല്കിയ ചുമതല അംഗീകരിച്ചു. ട്രൈബ്യൂണലിന്റെ ഉത്തരവ് നടപടിക്രമങ്ങള് പാലിക്കാതെയാണെന്ന് ഹൈക്കോടതി ഡിവിഷൻ ബെഞ്ച് വ്യക്തമാക്കി.
ആരോഗ്യവകുപ്പ് ഡയറക്ടർ സ്ഥാനത്തുനിന്ന് ഡോ. കെ ജെ റീനയെ മാറ്റുകയും അഡീഷണല് (ഫാമിലി വെല്ഫെയർ) ഡയറക്ടറായ ഡോ. വി മീനാക്ഷിയ്ക്ക് ചുമതല നല്കുകയുമായിരുന്നു സര്ക്കാർ ചെയ്തത്. എറണാകുളം പബ്ലിക് ഹെല്ത്ത് ലബോറട്ടറി ഡയറക്ടറായിട്ടാണ് റീനയെ മാറ്റി നിയമിച്ചത്. ഇതിന് പിന്നാലെയാണ് റീന അഡ്മിനിസ്ട്രേറ്റീവ് ട്രൈബ്യൂണലിനെ സമീപിച്ചത്.
SUMMARY: Government relieved over DHS transfer; High Court upholds KJ Reena’s transfer
