ബെംഗളൂരു: കേരളസമാജം കര്ണാടകയുടെ നേതൃത്വത്തില് മാവള്ളിപുര ഗവണ്മെന്റ് പ്രൈമറി സ്കൂളിലെ മുഴുവന് വിദ്യാര്ഥികള്ക്കും പഠനോപകരണങ്ങള് വിതരണം ചെയ്തു. പ്രസിഡന്റ് എസ്. കെ. പിള്ള ഉദ്ഘാടനം ചെയ്തു. കേരള സമാജം കര്ണാടക വിവിധ മേഖലകളില് ശ്രദ്ധേയമായ ചാരിറ്റി പ്രവര്ത്തനങ്ങള് നടത്തി വരികയാണെന്ന് അദ്ദേഹം പറഞ്ഞു. നോര്ത്ത് ഡിവിഷന്റെ നേതൃത്വത്തില് എല്ലാ ശനിയാഴ്ചകളിലും സര്ക്കാര് ആശുപത്രികളില് ഉച്ചഭക്ഷണ വിതരണം നടത്തുന്നതായും, സാമ്പത്തികമായി പിന്നോക്കം നില്ക്കുന്ന കുട്ടികള്ക്ക് ട്യൂഷന് ഫീസ് നല്കുന്നതായും അദ്ദേഹം അറിയിച്ചു. ഇതിന് പുറമേ വിനായകനഗറിലെ സര്ക്കാര് സ്കൂളിലും വിദ്യാര്ഥികള്ക്ക് ബാഗുകളും പഠനോപകരണങ്ങളും വിതരണം ചെയ്തതായി അദ്ദേഹം പറഞ്ഞു.
മാവള്ളിപുര യൂണിറ്റ് കണ്വീനര് അനില് കുമാര് അധ്യക്ഷത വഹിച്ചു. സമാജം ജോയിന്റ് സെക്രട്ടറി നടരാജന്, അസിസ്റ്റന്റ് സെക്രട്ടറി ശ്യാംകുമാര്, നോര്ത്ത് ഡിവിഷന് ചെയര്മാന് സുകുമാരന്, പ്രോഗ്രാം കോര്ഡിനേറ്റര് യോഗേഷ് നായര്, ജിനിഷ്, മാവള്ളിപുര വനിതാ വിഭാഗം ഭാരവാഹികളായ രജിനി അനില്, പ്രിയ സക്കറിയ, നിസ്സി എലിസബത്ത് എന്നിവര് ചടങ്ങില് പങ്കെടുത്തു.
SUMMARY: Study materials distributed
