ബെംഗളൂരു: തെക്ക് പടിഞ്ഞാറന് കാലവര്ഷം സംസ്ഥാനത്ത് ശക്തി പ്രാപിക്കുന്നു. ഇന്ന് 6 ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്. ഉഡുപ്പി, ദക്ഷിണ കന്നഡ, ഉത്തരകന്നഡ, ശിവമൊഗ, ചിക്കമഗളൂരു, കുടക് എന്നീ ജില്ലകളിലാണ് റെഡ് അലര്ട്ട് പ്രഖ്യാപിച്ചത്. മെയ് 27 വരെയാണ് റെഡ് അലര്ട്ട് പ്രഖ്യാപിച്ചത്. ബെളഗാവി, ധാര്വാഡ് എന്നീ ജില്ലകളില് ഓറഞ്ച് അലര്ട്ടും വിജയപുര, ബാഗല്കോട്ട, ഗദഗ്, ഹവേരി, ബീദര്, കലബുര്ഗി യാദ്ഗിര് എന്നീ ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. മെയ് 27 വരെ ബെംഗളൂരുവില് നേരിയതോ മിതമായതോ ആയ മഴയ്ക്ക് സാധ്യതയുണ്ടെന്നും ഐഎംഡി അറിയിച്ചു.
മൈസൂരു, കുടക് ജില്ലകളില് രണ്ടു ദിവസങ്ങളിലായി കനത്തമഴയും ശക്തമായ കാറ്റും തുടരുകയാണ്. കുടകില് മേയ് 31-വരെ ശക്തമായമഴ ലഭിക്കുമെന്നാണ് മുന്നറിയിപ്പ്. കുടക് ജില്ലയിലെ ഗ്രാമപ്രദേശങ്ങളില് ശക്തമായ കാറ്റില് മരങ്ങളും വൈദ്യുതത്തൂണുകളും കടപുഴകി വീണു. ഇതോടെ വൈദ്യുതി തടസ്സപ്പെട്ടു .
കാവേരിനദിയുടെ ഉത്ഭവസ്ഥാനങ്ങളായ തലക്കാവേരി, ഭാഗമണ്ഡല എന്നിവിടെ ശക്തമായ മഴയാണ്. ത്രിവേണി സംഗമത്തില് ജലനിരപ്പില് ക്രമാനുഗതമായ വര്ധനവ് ഉണ്ടായിട്ടുണ്ട്.
ചിക്കമഗളൂരുവില് ഓട്ടോ റിക്ഷയ്ക്ക് മുകളില് മരം വീണ് ഒരാള് മരിച്ചു. കൊപ്പ താലൂക്കിലെ ജയപുര സ്വദേശി രത്നാകര് (38) ആണ് മരിച്ചത്. തുംഗ, ഭദ്ര, ഹേമാവതി തുടങ്ങിയ നദികളിലെ ജലനിരപ്പ് ഉയര്ന്നിട്ടുണ്ട്. ജില്ലയിലെ പലയിടങ്ങളിലും റോഡുകള് തകര്ന്നു. കനത്ത മഴ ചാര്മാഡി ഘട്ട് മേഖലയില് മണ്ണിടിച്ചില് ഭീഷണി ഉയര്ത്തിയിട്ടുണ്ട്.
<BR>
TAGS : HEAVY RAIN, KARNATAKA
SUMMARY : Heavy rain continues in Karnataka; One death, red alert in 6 districts today
