ആലപ്പുഴ: കനത്ത മഴ മുന്നറിയിപ്പിന്റെ പശ്ചാത്തലത്തില് ആലപ്പുഴ ജില്ലയിലും നാളെ വിദ്യാഭ്യാസസ്ഥാപനങ്ങള്ക്ക് അവധി പ്രഖ്യാപിച്ചു. ജില്ലയില് കഴിഞ്ഞ ദിവസങ്ങളിലായി ഉണ്ടായ അതിശക്തമായ മഴയെത്തുടർന്ന് വിവിധ ഭാഗങ്ങളില് വെള്ളക്കെട്ട് രൂപപ്പെട്ടിട്ടുള്ളതിനാലും മഴ മുന്നറിയിപ്പ് നിലനില്ക്കുന്നതിനാലും വിവിധ സ്കൂളുകളില് ദുരിതാശ്വാസ ക്യാമ്പുകള് പ്രവർത്തിക്കുന്നതിനാലുമാണ് ബുധനാഴ്ച ജില്ലയിലെ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ ഷാജി വി നായർ അവധി നൽകിയത്.
പ്രഫഷനല് കോളജുകള്, മതപഠന ക്ലാസ്സുകള്, ട്യൂഷൻ സെന്ററുകള്, കോച്ചിങ് ക്ലാസുകള്, സ്പെഷ്യല് ക്ലാസ്സുകള് ഉള്പ്പടെയുള്ള സ്ഥാപനങ്ങള്ക്ക് അവധി ബാധകമായിരിക്കും. റെസിഡൻഷ്യല് സ്കൂളുകള്ക്കും റെസിഡൻഷ്യല് കോളേജുകള്ക്കും പ്രവർത്തിക്കാം. മുൻ നിശ്ചയിച്ച പൊതുപരീക്ഷകള്ക്ക് മാറ്റമില്ല. അതേസമയം പത്തനംതിട്ട, കോട്ടയം, ഇടുക്കി, എറണാകുളം, കണ്ണൂർ, കോഴിക്കോട്, വയനാട്, കാസറഗോഡ് ജില്ലകളില് റെഡ് അലര്ട് പ്രഖ്യാപിച്ചിട്ടുണ്ട്.
SUMMARY: Heavy rain; holiday for educational institutions in Alappuzha district tomorrow
