ബെംഗളൂരു: മികച്ച മലയാള കവിതാ ഗ്രന്ഥത്തിനുള്ള 2025ലെ കഥാരംഗം സാഹിത്യ അവാര്ഡിന് ബെംഗളൂരു മലയാളിയും കവിയുമായ ഇന്ദിരാബാലനെ തിരഞ്ഞെടുത്തു. ‘വെയിലോൾ’ എന്ന കവിതാ സമാഹാരത്തിനാണ് പുരസ്കാരം. 10,000 രൂപയും പ്രശസ്തി പത്രവും ശിൽപവും അടങ്ങിയ പുരസ്കാരം ജൂലൈ 5നു കഥാരംഗം ഹാളിൽ നടത്തുന്ന സാഹിത്യ സദസ്സിൽ വിതരണം ചെയ്യുമെന്നു പ്രസിഡന്റ് ടി.കെ.രവീന്ദ്രൻ അറിയിച്ചു. കഥകളി ആചാര്യൻ വാഴേങ്കട കുഞ്ചുനായർ, ലക്ഷ്മിക്കുട്ടി ദമ്പതികളുടെ മകളാണ് ഇന്ദിരാബാലൻ.
