ബെംഗളൂരു: ഇന്ത്യ പെന്തക്കോസ്ത് ദൈവസഭ (ഐപിസി) കര്ണാടക സ്റ്റേറ്റ് ബാംഗ്ലൂര് ഈസ്റ്റ് സെന്റര് 19ാ മത് വാര്ഷിക കണ്വന്ഷന് വ്യാഴാഴ്ച മുതല് ആരംഭിക്കും. രാജപാളയ ഐപിസി ശാലോം സഭാഹാളില് നടക്കുന്ന കണ്വന്ഷന് ഞായറാഴ്ച സമാപിക്കും. ഐപിസി കര്ണാടക സ്റ്റേറ്റ് സെക്രട്ടറി പാസ്റ്റര് വര്ഗീസ് മാത്യു ഉദ്ഘാടനം ചെയ്യും.
പാസ്റ്റര് വര്ഗീസ് മാത്യു, ഐപിസി കര്ണാടക സ്റ്റേറ്റ് ജോയിന്റ് സെക്രട്ടറി പാസ്റ്റര് പി.പി.ജോസഫ്, പാസ്റ്റര് ബാബു ചെറിയാന്, പാസ്റ്റര് ഫെയ്ത്ത് ബ്ലസന് എന്നിവര് പ്രസംഗിക്കും. ദിവസവും വൈകിട്ട് 6 മുതല് 8.30 വരെ സുവിശേഷയോഗമുണ്ടാകും. ശനി വൈകിട്ട് 2.30 മുതല് 5 വരെ സെന്റര് പിവൈപിഎ, സണ്ഡേ സ്കൂള്, വിമന്സ് ഫെലോഷിപ് എന്നിവയുടെ വാര്ഷിക യോഗം നടക്കും. ഞായറാഴ്ച രാവിലെ 9.30 ന് വൈറ്റ്ഫീല്ഡ് എലിം സെന്ററില് സംയുക്ത ആരാധനയോടെ കണ്വന്ഷന് സമാപിക്കും. ജനറല് കണ്വീനര് പാസ്റ്റര് ജോമോന് ജോണ്, ഈസ്റ്റ് സെന്റര് സെക്രട്ടറി പാസ്റ്റര് പി.വി.ജയിംസ്, ട്രഷറര് ബ്രദര് ഏബ്രഹാം തോമസ് എന്നിവര് നേതൃത്വം നല്കും.
SUMMARY: IPC Annual Convention
WhatsApp
Telegram
