ബെംഗളൂരു : കേരളസമാജം വനിതാവിഭാഗം സംഘടിപ്പിച്ച മാതൃദിനാഘോഷം വ്യക്തിത്വവികസന പരിശീലകൻ ശോഭൻ ജോർജ് എബ്രഹാം ഉദ്ഘാടനംചെയ്തു. ചെയർപേഴ്സൺ സുധ വിനേഷ് അധ്യക്ഷതവഹിച്ചു.
സമാജം മുൻ ഭാരവാഹികളായിരുന്ന നളിനി ദാസ്, രാധാ നായർ, രോഹിണി വാസുദേവൻ, സുമതി തങ്കപ്പൻ, സരസ്വതി, പദ്മവതി എന്നിവരെ ആദരിച്ചു. സമാജം ജനറൽ സെക്രട്ടറി റജി കുമാർ, ട്രഷറർ ജോർജ് തോമസ്, ജോയിന്റ് സെക്രട്ടറി അനിൽകുമാർ, അസിസ്റ്റന്റ് സെക്രട്ടറി മുരളീധരൻ, കേരള സമാജം ഐ.എ.എസ്. അക്കാദമി മുഖ്യ ഉപദേഷ്ടാവ് ഗോപകുമാർ, വനിതാവിഭാഗം വൈസ് ചെയർപേഴ്സൺ ദിവ്യ മുരളി, അജിത, സുജ ഗോപകുമാർ, ജോയിന്റ് കൺവീനർ അംബിക സുരേഷ്, പ്രിയദർശിനി, ഫിനാൻസ് കൺവീനർ ഷൈമ രമേഷ്, കണ്ടോൻമെന്റ് സോൺ ചെയർപേഴ്സൺ ലൈലാ രാമചന്ദ്രൻ, കെ.എൻ.ഇ. ട്രസ്റ്റ് പ്രസിഡന്റ് സി. ഗോപിനാഥൻ, ട്രഷറർ സുരേഷ് കുമാർ എന്നിവർ പ്രസംഗിച്ചു. ശുഭ ദിനേഷ് അവതരിപ്പിച്ച ഏകപാത്രനാടകം ‘ആരുടെ പതാക’, സംഗീതസന്ധ്യ, അത്താഴവിരുന്ന് എന്നിവയുണ്ടായിരുന്നു.
SUMMARY: Kerala Samajam celebrated Mother’s Day
