സ്വര്‍ണ വിലയില്‍ വർധനവ്

തിരുവനന്തപുരം: കേരളത്തിൽ സ്വര്‍ണ വിലയില്‍ മുന്നേറ്റം. ഗ്രാം വില 160 രൂപ വര്‍ധിച്ച്‌ 13,360 രൂപയായി. പവന്‍ വില 1,280 രൂപ ഉയര്‍ന്ന് 1,06,880 രൂപയുമായി. 18 കാരറ്റിന് ഗ്രാമിന് 135 രൂപ ഉയര്‍ന്ന് 10,980 രൂപയുമായി. അതേസമയം, വെള്ളി വിലയില്‍ നേരിയ ഇടിവാണ് രേഖപ്പെടുത്തിയിരിക്കുന്നത്. നിലവില്‍ ഒരു ഗ്രാം വെള്ളിക്ക് 234 രൂപയാണ് വിപണിയിലെ നിരക്ക്. കഴിഞ്ഞ ദിവസങ്ങളില്‍ ഓഗസ്റ്റ് നാലിന് 1,05,600 രൂപയും ഓഗസ്റ്റ് മൂന്നിന് 1,05,760 രൂപയുമായിരുന്നു സ്വർണവില.

തുടര്‍ച്ചയായ കുറച്ചു ദിവസങ്ങളിലെ ഇടിവിന് ശേഷമാണ് രാജ്യാന്തര വിപണിയില്‍ സ്വര്‍ണവില തിരിച്ചുകയറിയത്. ഔണ്‍സിന് 4,100 ഡോളര്‍ എന്ന സുപ്രധാന ഘട്ടം കടന്ന് സ്വര്‍ണം മുന്നേറിയതാണ് കേരളത്തിലെ പ്രാദേശിക വിപണിയിലും പ്രതിഫലിച്ചത്.

SUMMARY: Gold rate is increased