കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിന് നേരെ നടത്തിയ ആക്രമണത്തിന് പിന്നാലെ ജി സി സി രാജ്യങ്ങള് ഇറാനെതിരെ രംഗത്ത്. രാജ്യത്തുള്ള ഇറാനിയന് നയതന്ത്രജ്ഞര് 24 മണിക്കൂറിനകം കുവൈത്ത് വിടണമെന്ന് കുവൈത്ത് സര്ക്കാര് ആവശ്യപ്പെട്ടു. കുവൈത്തിന് നേരെ ഇന്നും തുടരുന്ന ആക്രമണങ്ങളുടെ പശ്ചാത്തലത്തിലാണ് ഇറാനെതിരെ കടുത്ത നയതന്ത്ര നടപടി സ്വീകരിക്കുന്നതെന്ന് കുവൈത്ത് വ്യക്തമാക്കി.
ഇതിനിടെ ഇറാന്റെ ആക്രമണങ്ങളെ ശക്തമായി അപലപിച്ച് ജി സി സി കൂട്ടായ്മയും രംഗത്തെത്തി. അതേസമയം ചര്ച്ചകള് സ്തംഭിച്ചു നില്ക്കുന്നതിനിടെ അമേരിക്ക – ഇറാന് സംഘര്ഷം മേഖലയിലേക്ക് വ്യാപിക്കുന്നതിന്റെ ആശങ്കിലാണ് ഗള്ഫ് രാജ്യങ്ങള്. അമേരിക്കയ്ക്ക് തിരിച്ചടിയായി ഇറാന് നടത്തിയ രൂക്ഷ ആക്രമണത്തില് കുവൈത്ത് അന്താരാഷ്ട്ര വിമാനത്താവളത്തിന് സാരമായ നാശനഷ്ടമുണ്ടായി. ആക്രമണത്തില് കൊല്ലപ്പെട്ടത് ഇന്ത്യാക്കാരനാണെന്നും സ്ഥിരീകരിച്ചിരുന്നു. നിരവധി പേര്ക്ക്
പരുക്കേല്ക്കുകയും ചെയ്തിരുന്നു.
SUMMARY: Kuwait orders Iranian diplomats to leave country within 24 hours; takes tough action after attack
