ബെംഗളൂരു: ബെംഗളൂരു നമ്മ മെട്രോയുടെ പുതിയ പാതയായ പിങ്ക് ലൈനിൽ കല്ലേന അഗ്രഹാര മുതല് താവരക്കരെ വരെയുള്ള സർവീസ് ഓഗസ്റ്റ് 15 മുതല് ആരംഭിക്കും. പാതയില് പരീക്ഷണ ഓട്ടത്തിന്റെ ഭാഗമായി ഏപ്രിൽ 28 മുതൽ മെയ് 9 വരെ 12 ദിവസത്തെ ഓസിലേഷൻ ട്രയലുകളും എമർജൻസി ബ്രേക്കിംഗ് ഡിസ്റ്റൻസ് (ഇബിഡി) ടെസ്റ്റുകളും നടത്തിയിരുന്നു. സുരക്ഷ പരിശോധനകള് പൂര്ത്തിയാക്കിയാതോടെയാണ് സര്വീസിന് അനുമതി ലഭിച്ചത്. പാതയിൽ സ്റ്റേഷനുകളുടെ അവസാന മിനുക്കുപണികൾ നടന്നുവരികയാണ്.
ജയദേവ ആശുപത്രിക്ക് സമീപത്തെ യെല്ലോ ലൈനുമായുള്ള ഇന്റർചേഞ്ച് ഉൾപ്പെടെ കലേന അഗ്രഹാരയ്ക്കും തവരേക്കരെയ്ക്കും ഇടയിലുള്ള 7.5 കിലോമീറ്റർ ദൈർഘ്യമുള്ള പാതയില് ആറ് സ്റ്റേഷനുകളാണ് ഉള്ളത്. താവരക്കരെ മുതൽ നാഗവാര വരെയുള്ള ഭൂഗർഭ പാത 2027 മാര്ച്ച് ഓടെ പ്രവര്ത്തനസജ്ജമാകുമെന്നാണ് പ്രതീക്ഷിക്കുന്നത്.
SUMMARY: Metro Pink Line service to begin from August 15
