ബെംഗളൂരു: മെെസൂരു കേരള സമാജം ഓണാഘോഷത്തിന്‍റെ ഭാഗമായി സംഘടിപ്പിക്കുന്ന സൗജന്യ മെഡിക്കല്‍ ക്യാമ്പും കെെത്തറി തുണിത്തരങ്ങളുടെ പ്രീസെയിലും 24 ന് രാവിലെ 10.30 മുതല്‍ സമാജം സാംസ്കാരിക നിലയത്തില്‍ നടക്കും. അപ്പോളോ ആശുപത്രിയുമായി സഹകരിച്ച് നടത്തുന്ന മെഡിക്കൽ ക്യാമ്പിൽ ബി.പി, ആർബിഎസ് ഇ.സി.ജി, ECHO സ്ക്രീനിംഗ് (ഡോക്ടറുടെ നിർദ്ദേശപ്രകാരം ആവശ്യമുണ്ടെങ്കിൽ മാത്രം) എന്നിവ സൗജന്യമാണ്. ചീഫ് കാർഡിയോളജിസ്റ്റായ ഡോ. അരുൺ ശ്രീനിവാസിൻ്റെ ആരോഗ്യ ബോധവൽക്കരണ ക്ലാസും ഉണ്ടായിരിക്കും.
കുത്താമ്പള്ളി കെെത്തറി തുണിത്തരങ്ങളുടെ പ്രീസെയില്‍ 11 മണി മുതല്‍ നടക്കും. വൈവിധ്യമാർന്ന സാരികൾ, സെറ്റ് മുണ്ട്, ദാവണി, കുട്ടികളുടെ വസ്ത്രങ്ങൾ (ആൺകുട്ടികളും പെൺകുട്ടികളും,) ജെൻ്റ്സ് മുണ്ട്, ലുങ്കി, ബെഡ്ഷീറ്റുകൾ, തോർത്ത്, പട്ടുപാവട, ബ്ലൗസ് കഷണങ്ങൾ, ഫ്രോക്ക്, ചുരിദാറുകൾ, കുട്ടികൾക്കുള്ള പട്ടുപാവട എന്നിവ പ്രീസെയിലില്‍ ലഭ്യമായിരിക്കും.
SUMMARY: Mysore Kerala Samajam Onam celebrations; Free medical camp and presale of handloom fabrics on 24th
