ബെംഗളൂരു: സംസ്ഥാനത്തെ ഹോട്ടലുകൾ, ഭക്ഷണശാലകൾ, ഫാർമസികൾ എന്നിവിടങ്ങളിൽ ഉപഭോക്താക്കൾക്ക് പരാതികൾ നേരിട്ട് നൽകുന്നതിനായി ക്യുആർ കോഡ് സംവിധാനം ഏർപ്പെടുത്തുമെന്ന് കർണാടക ആരോഗ്യമന്ത്രി യു.ടി. ഖാദർ അറിയിച്ചു.
ഭക്ഷണത്തിന്റെ ഗുണനിലവാരം, ശുചിത്വം, കാലാവധി കഴിഞ്ഞ ഉൽപ്പന്നങ്ങൾ, മരുന്നുകളുടെ ഗുണനിലവാരം തുടങ്ങിയ കാര്യങ്ങളിൽ പ്രശ്നം നേരിടുന്നവർക്ക് ക്യുആർ കോഡ് സ്കാൻ ചെയ്ത് പരാതി നേരിട്ട് ബന്ധപ്പെട്ട സർക്കാർ വകുപ്പിലേക്ക് നൽകാൻ സാധിക്കും.
പരാതി ലഭിച്ചാൽ ബന്ധപ്പെട്ട ഉദ്യോഗസ്ഥർ സ്ഥലത്ത് പരിശോധന നടത്തുകയും ആവശ്യമായ നടപടി സ്വീകരിക്കുകയും ചെയ്യും. ഹോട്ടലുകളിലും ഭക്ഷണശാലകളിലും ഭക്ഷ്യസുരക്ഷാ മാനദണ്ഡങ്ങൾ പാലിക്കുന്നുണ്ടോ എന്ന് കൂടുതൽ കാര്യക്ഷമമായി നിരീക്ഷിക്കാനും പുതിയ സംവിധാനം സഹായിക്കുമെന്നാണ് സർക്കാർ പ്രതീക്ഷിക്കുന്നത്.
ഫാർമസികളിലും സമാന സംവിധാനം നടപ്പാക്കുന്നതിലൂടെ മരുന്നുകളുടെ ഗുണനിലവാരം, തെറ്റായ മരുന്ന് വിതരണം, നിയമവിരുദ്ധ വിൽപ്പന തുടങ്ങിയ പരാതികൾ അധികൃതരുടെ ശ്രദ്ധയിൽപ്പെടുത്താൻ ഉപഭോക്താക്കൾക്ക് കഴിയും.
നിലവിൽ പരാതി നൽകാൻ പല ഘട്ടങ്ങളിലൂടെ പോകേണ്ടി വരുന്ന സാഹചര്യം ഒഴിവാക്കി മൊബൈൽ ഫോൺ ഉപയോഗിച്ച് എളുപ്പത്തിൽ പരാതി നൽകാൻ കഴിയുന്ന സംവിധാനം ഒരുക്കുകയാണ് ലക്ഷ്യം.
ആരോഗ്യവകുപ്പിന്റെ നിലപാട്. ഉപഭോക്താക്കളുടെ പരാതികൾ വേഗത്തിൽ ലഭിക്കുകയും അതിന്റെ അടിസ്ഥാനത്തിൽ പരിശോധനയും നടപടിയും ശക്തമാക്കുകയും ചെയ്യുക എന്നതാണ് പദ്ധതിയുടെ പ്രധാന ലക്ഷ്യം.
SUMMARY: Now QR code in hotels and pharmacies to lodge complaints
