ബെംഗളൂരു: ഹോസ്റ്റലിന്റെ നാലാം നിലയിൽ നിന്ന് വീണ് ബി.എസ്.സി നഴ്സിങ് വിദ്യാർഥി മരിച്ചു. കലബുറഗിയിലെ അംബേദ്കർ ഹോസ്റ്റലിലാണ് അപകടമുണ്ടായത്. ചിറ്റാപുര സ്വദേശി മുജാഹിദാണ് (25) മരിച്ചത്. അതേസമയം അബദ്ധത്തിൽ വീണതാണോഅതോ ആത്മഹത്യയാണോ എന്ന് ഇതുവരെ വ്യക്തമായിട്ടില്ല. ബ്രഹ്മപൂർ പോലീസ് സ്റ്റേഷന്റെ പരിധിയിലാണ് ഈ സംഭവം നടന്നിട്ടുള്ളത്. ഇതേ ഹോസ്റ്റലിൽ ഏതാനും ദിവസങ്ങൾ മുമ്പ് വിദ്യാർത്ഥിയെ ക്രൂരമായി റാഗിങ്ങിന് വിധേയമായ സംഭവം നടന്നിരുന്നു. ഇതിൽ അന്വേഷണം തുടരുന്നതിനിടയാണ് ദുരൂഹ സാഹചര്യത്തിൽ മറ്റൊരു വിദ്യാർഥിയുടെ മരണം. മുജാഹിദിന്റെ മാതാപിതാക്കളുടെ പരാതിയിൽ കേസെടുത്ത പോലീസ് അന്വേഷണം ആരംഭിച്ചു.
