ബെംഗളൂരു: ഓണാവധി കഴിഞ്ഞ് കേരളത്തില് നിന്നും ബെംഗളൂരുവിലേക്ക് മടങ്ങുന്നവര് നേരിടുന്ന യാത്രാ പ്രതിസന്ധിയില് നേരിയ ആശ്വാസം. യാത്രക്കാരുടെ അധിക തിരക്ക് പരിഗണിച്ച് മംഗളൂരു ജങ്ഷനില് നിന്നും എസ്എംവിടി ബെംഗളൂരുവിലേക്ക് സ്പെഷ്യൽ ട്രെയിന് പ്രഖ്യാപിച്ച് ദക്ഷിണ പശ്ചിമ റെയില്വേ. നാളെയാണ് ട്രെയിന് സര്വീസ് നടത്തുക.
മംഗളൂരു ജങ്ഷന് -എസ്എംവിടി ബെംഗളൂരു ട്രെയിൻ നമ്പര് 06072
ഓഗസ്റ്റ് 29 ന് ശനിയാഴ്ച രാവിലെ 11:15 മണിക്ക് മംഗളൂരു ജംഗ്ഷനിൽ നിന്ന് പുറപ്പെട്ട് 30 ന് ഞായറാഴ്ച പുലർച്ചെ 4ന് മണിക്ക് ബെംഗളൂരു സർ എം. വിശ്വേശ്വരയ്യ ടെർമിനലിൽ എത്തിച്ചേരും.
കാസർകോട്, കാഞ്ഞങ്ങാട്, നീലേശ്വരം,പയ്യന്നൂര് കണ്ണൂർ, തലശ്ശേരി, വടകര കോഴിക്കോട്, തിരൂർ, ഷോര്ണൂര്, പാലക്കാട്, പോടന്നൂർ, തിരുപ്പൂർ ഈറോഡ്, സേലം,ബംഗാരപേട്ട്, കൃഷ്ണരാജപുരം എന്നിവിടങ്ങളിലാണ് സ്റ്റോപ്പുകള്.
ഒരു എസി 2-ടയർ കോച്ച്, മൂന്ന് എസി 3-ടയർ കോച്ചുകൾ, പത്ത് സ്ലീപ്പർ ക്ലാസ് കോച്ചുകൾ, നാല് ജനറൽ സെക്കൻഡ് ക്ലാസ് കോച്ചുകൾ, ദിവ്യാംജൻ കമ്പാർട്ട്മെന്റുള്ള രണ്ട് സെക്കൻഡ് ക്ലാസ് ലഗേജ്-കം-ബ്രേക്ക് വാൻ കോച്ചുകൾ എന്നിവ ഉൾപ്പെടെ 20 കോച്ചുകൾ ഉണ്ടായിരിക്കും.
SUMMARY: Onadha; One way special train from Mangalore to Bengaluru via Kozhikode and Salem tomorrow
