ബെംഗളൂരു: ഹൊസൂർ കൈരളി സമാജത്തിൻ്റെ നേതൃത്വത്തിൽ സംഘടിപ്പിക്കുന്ന ഈ വർഷത്തെ ഓണച്ചന്ത ഓഗസ്റ്റ് 22 ശനിയാഴ്ച മുതൽ 25 വരെ ഹൊസൂർ രാജഭോജനം ഹോട്ടൽ കെട്ടിടത്തിൽ നടക്കും. ശനിയാഴ്ച രാവിലെ 8.30 ന് ഹൊസൂർ മേയർ എസ്.എ.സത്യാ ഉദ്ഘാടനം ചെയ്യും. കേരള വിഭവങ്ങളോടൊപ്പം കേരള തനിമയാർന്ന വസ്ത്രങ്ങളുടെയും പലഹാരങ്ങളുടെയും വിപണന സ്റ്റാളുകളും ഉണ്ടായിരിക്കുന്നതാണ്. ശനിയാഴ്ച മുതൽ ചൊവ്വാഴ്ച വരെ രാവിലെ 9 മണി മുതൽ രാത്രി 9 മണി വരെ ഓണച്ചന്ത പ്രവർത്തിക്കുന്നതാണെന്ന് ചെയർമാൻ ഹാലി ജോസൻ അറിയിച്ചു.
