ആലപ്പുഴ: പിണറായി വിജയൻ മുഖ്യമന്ത്രി ആവണമെന്നാണ് എന്റെ വ്യക്തിപരമായ അഭിപ്രായമെന്ന് എസ്എൻഡിപി ജനറല് സെക്രട്ടറി വെള്ളാപ്പള്ളി നടേശൻ. നിയമസഭാ തിരഞ്ഞെടുപ്പില് വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. ഇത്തവണ കേരളത്തില് ഒരിടത്തും പ്രവചിക്കാൻ കഴിയാത്ത രീതിയിലുള്ള ശക്തമായ പോരാട്ടമാണ് നടന്നതെന്നും അദ്ദേഹം കൂട്ടിച്ചേർത്തു.
ആലപ്പുഴയില് എല്ഡിഎഫ് സ്ഥാനാർത്ഥി പി.പി. ചിത്തരഞ്ചൻ വിജയിക്കുമെന്നും വെള്ളാപ്പള്ളി പറഞ്ഞു. കേരള ചരിത്രത്തില് ഏറ്റവും കൂടുതല് പണമൊഴുക്കിയ വാശിയേറിയ പ്രചാരണമാണ് ഇക്കുറി നടന്നതെന്ന് വെള്ളാപ്പള്ളി നിരീക്ഷിച്ചു. പല മണ്ഡലങ്ങളിലും ശക്തമായ ത്രികോണ മത്സരമാണ് നടക്കുന്നത്.
എല്ഡിഎഫ് അവകാശപ്പെടുന്നതുപോലെ നൂറ് സീറ്റുകള് ലഭിക്കുമോ എന്ന് കാത്തിരുന്നു കാണാമെന്നും എൻഡിഎയ്ക്ക് വോട്ട് വിഹിതം വർദ്ധിക്കുമെന്നും അദ്ദേഹം പറഞ്ഞു.എന്നാല് ബിജെപിക്ക് അക്കൗണ്ട് തുറക്കാൻ സാധിക്കുമോ എന്ന കാര്യത്തില് അദ്ദേഹം വ്യക്തമായ മറുപടി നല്കിയില്ല. കോണ്ഗ്രസില് മുഖ്യമന്ത്രി പദവി മോഹിക്കുന്ന മൂന്നോ നാലോ പേർ കാത്തിരിപ്പുണ്ടെന്നും അവരെല്ലാം യോഗ്യരാണെന്നും അദ്ദേഹം തമാശരൂപേണ പറഞ്ഞു.
SUMMARY: ‘Pinarayi Vijayan should come back to power in Kerala’; Vellappally Natesan
WhatsApp
Telegram
