ബെംഗളൂരു: കേരളസമാജം നെലമംഗലയുടെ ആഭിമുഖ്യത്തിൽ മലയാളം മിഷൻ കണിക്കൊന്ന, സൂര്യകാന്തി,ആമ്പൽ കോഴ്സുകളിലേക്കുള്ള പ്രവേശനോത്സവം സംഘടിപ്പിച്ചു. മലയാളം മിഷൻ കർണാടക ചാപ്റ്റർ കൺവീനർ ടോമി ജെ ആലുങ്കൽ ഉദ്ഘാടനം നിർവഹിച്ചു. പ്രധാന അധ്യാപകൻ ഷാജി അക്കിത്തടം ക്ലാസുകൾ നയിച്ചു.
പ്രസിഡണ്ട് ശശി വേലപ്പൻ അധ്യക്ഷത വഹിച്ചു. സെക്രട്ടറി മിനി നന്ദകുമാർ,കോഡിനേറ്റർ കെ.ആർ. സതീഷ് കുമാർ, രക്ഷാധികാരികളായ വൈ. ജോർജ്, യു.എൻ.രവീന്ദ്രൻ കൺവീനർ ഉതുപ്പ് ജോർജ്, അധ്യാപികമാരായ ഷീജ നായർ, ഗീതാ രവീന്ദ്രൻ എന്നിവർ സംസാരിച്ചു കുട്ടികളുടെ കലാപരിപാടികളും, ക്വിസ് മത്സരവും നടന്നു ക്വിസ് മത്സരങ്ങൾക്ക് കലേഷ്.ജി.ബാബു, വൈശാഖ്. ആർ, ഹീര പ്രജീഷ് എന്നിവർ നേതൃത്വം നൽകി കണിക്കൊന്ന,സൂര്യകാന്തി പഠനോത്സവ വിജയികളായ വിദ്യാർഥികൾക്ക് സർട്ടിഫിക്കറ്റുകളുടെ വിതരണവും,മലയാളം മിഷൻ വിദ്യാർഥികൾക്ക് പഠനോപകരണങ്ങളുടെ വിതരണവും നടന്നു.
