തിരുവനന്തപുരം: മുന് മുഖ്യമന്ത്രി വി.എസ്. അച്യുതാനന്ദന്റെ നിര്യാണത്തെ തുടര്ന്ന് സംസ്ഥാനത്ത് നാളെ പൊതു അവധി. വിദ്യാഭ്യാസ സ്ഥാപനങ്ങള്ക്കും സര്ക്കാര് സ്ഥാപനങ്ങള്ക്കും അവധി ബാധകം. ബുധനാഴ്ച (ജൂലൈ 23) ഔദ്യോഗിക ദുഃഖാചരണം നടക്കും. വിഎസ് അച്യുതാനന്ദനോടുള്ള ആദരസൂചകമായാണ് അവധി പ്രഖ്യാപിച്ചത്.
പൊതുപരിപാടികള് ഉണ്ടാവില്ല. സംസ്ഥാനത്ത് മൂന്ന് ദിവസത്തെ ഔദ്യോഗിക ദു:ഖാചരണം നടത്തും. രണ്ടുദിവസത്തെ പൊതുദർശനത്തിനുശേഷം മറ്റന്നാള് ആണ് വിഎസ് അച്യുതാനന്ദന്റെ ശവസംസ്കാരം നടത്തുക. ആശുപത്രിയിലാണ് ഇപ്പോള് മൃതദേഹം. ഉടന് എകെജി പഠന ഗവേഷണ കേന്ദ്രത്തിലേക്ക് മൃതദേഹം എത്തിക്കും. ഇന്ന് രാത്രി എകെജി സെന്ററില് പൊതുദര്ശനം. രാത്രിയോടെ തിരുവനന്തപുരത്തെ വീട്ടിലേക്ക് കൊണ്ടുപോകും.
വിഎസ് അച്യുതാനന്ദന് അന്ത്യാഞ്ജലികള് അർപ്പിക്കുന്നതിനായി ഇന്നും നാളെയും തിരുവനന്തപുരത്ത് പൊതുദർശനം ഉണ്ടായിരിക്കും. നാളെ ഉച്ചയ്ക്ക് ശേഷം അദ്ദേഹത്തെ ജന്മനാടായ ആലപ്പുഴയിലേക്ക് കൊണ്ടുപോകും. മറ്റന്നാള് ആലപ്പുഴ വലിയ ചുടുകാട്ടില് ആയിരിക്കും ശവസംസ്കാരം.
SUMMARY: Public holiday in Kerala tomorrow; three days of mourning
